ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵎⵎⵓⵜ ⵄⵉⵛⴰ ⵍⵅⵟⵟⴰⴱⵉ, ⵉⵍⵍⵉⵙ ⵏ ⵓⵏⵣⴱⴰⵢ ⴰⵎⵖⵔⵉⴱⵉ ⵎⵓⵃⵎⵎⴰⴷ ⵄⴱⴷⵍⴽⵔⵉⵎ ⵍⵅⵟⵟⴰⴱⵉ, ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ, ⵉⵍⵉⵏ ⴷⴰⵔⵙ 81 (ⴽⴽⵓⵥ ⵡⴰⴳⵏⴰⵔⵏ ⴷ ⵢⴰⵏ) ⵏ ⵓⵙⴳⴳⵯⴰⵙ. ⵜⴳⴰ ⵜⴰⵔⴱⴰⵜ ⵜⴰⵎⵥⴰⵢⵏⵜ ⵏ ⵓⵏⵣⴱⴰⵢ ⴱⴰⵀⵔⴰ ⵉⵜⵜⵓⵙⵙⴰⵏⵏ ⴳ ⵉⵥⵥⵍⵎⴹ ⵏ ⵍⵎⵖⵔⵉⴱ ⵍⵍⵉ ⵉⵎⵎⴰⵖⵏ ⴷ ⵜⴳⴳⴰⵍⵉⵏ ⵏ ⵓⵙⴷⵓⵔⵔⵉ ⵏ ⴼⵕⴰⵏⵚⴰ ⴷ ⵚⴱⴰⵏⵢⴰ.
ⵜⵍⵓⵍ ⵄⵉⵛⴰ ⵍⵅⵟⵟⴰⴱⵉ ⴳ ⵓⵙⴳⴳⵯⴰⵙ ⵏ 1942 ( ⵉⴼⴹⴰ ⴷ ⵜⵥⴰⵜ ⵜⵉⵎⵎⴰⴹ ⴷ ⵙⵉⵏ ⵡⴰⴳⵏⴰⵔⵏ ⴷ ⵙⵉⵏ) ⴳ ⵜⴳⵣⵉⵔⵜ ⵏ ⵍⴰⵔⵉⵏⵢⵓⵏ ⴳ ⴼⵕⴰⵏⵚⴰ, ⴳ ⵓⵣⵎⵣ ⵏ ⵓⵣⵡⴰⴳ ⵏ ⴱⴰⴱⴰⵙ, ⵜⴷⴷⵔ ⴰⴽⴷ ⵜⴰⵡⵊⴰ ⵏⵏⵙ ⵖ ⵜⵖⵔⵎⵜ ⵏ ⵍⵇⴰⵀⵉⵔⴰ ⴳ ⵎⵉⵚⵕ. ⴳ ⵜⵖⵔⵎⵜ ⴰⴷ ⴰⵖ ⵜⵓⵎⵥ ⵍⴱⴰⴽⴰⵍⵓⵕⴰⵢⴰ ⴳ ⵓⵙⵉⵏⴰⴳ ⴰⵎⵉⵔⵉⴽⴰⵏⵉ ⵉ ⵜⵔⴱⴰⵜⵉⵏ.
ⴷⴼⴼⵉⵔ ⵏ ⵜⵎⵜⵜⴰⵏⵜ ⵏ ⴱⴰⴱⴰⵙ, ⵜⵙⵜⵉ ⵄⵉⵛⴰ ⵍⵅⵟⵟⴰⴱⵉ ⴰⴷ ⵜⴰⴹⵓ ⵙ ⵍⵎⵖⵔⵉⴱ, ⵜⵙⵡⵓⵔⵉ ⴷ ⵜⴰⵏⵎⵀⴰⵍⵜ ⵏ ⵢⴰⵜ ⵜⵙⴷⵓⵙⵉⵜ ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ⵙⴳ 1991 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⴽⴽⵓⵥ ⵡⴰⴳⵏⴰⵔⴰⵏ ⴷ ⵢⴰⵏ ⴷ ⵎⵔⴰⵡ) ⴰⵔ 2006 ( ⵙⵉⵏ ⵉⴼⴹⵏ ⴷ ⵚⴹⵉⵚ), ⵜⴽ ⵜⵜ ⵏⵏ ⵜⴳⴰ ⵜⴰⴳⵎⴰⵎⵜ ⴳ ⵜⵎⵙⵎⵓⵏⵜ ⵜⵓⵙⵍⵉⵎⵜ ⵉ ⵓⵙⴽⵔ ⵏ ⵓⴼⵓⵍⴽⵉ, ⵖⵎⴽ ⵍⵍⵉ ⵜⴳⴰ ⵜⴰⵎⵛⵛⵡⵕⵜ ⴳ ⵜⵎⵔⵙⵍⵜ ⵏ ⵄⴱⴷⵍⴽⵔⵉⵎ ⵍⵅⵟⵟⴰⴱⵉ. ⵖⵎⴽ ⵍⵍⵉ ⵜⵜ ⵏⵏ ⵜⴽⴽⴰ ⵜⴳⴰ ⵜⴰⴳⵎⴰⵎⵜ ⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙⴳ 2007 (ⵙⵉⵏ ⵉⴼⴹⵏ ⴷ ⵙⴰ) ⴰⵔ 2011 (ⵙⵉⵏ ⵉⴼⴹⵏ ⴷ ⵢⴰⵏ ⵎⵔⴰⵡ).
ⴷⴼⴼⵉⵔ ⵏ ⵜⵎⵜⵜⴰⵏⵜ ⵏ ⵄⵉⵛⴰ ⵍⵅⵟⵟⴰⴱⵉ, ⵉⵚⵕⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⴱⵔⴰⵜ ⵏ ⵓⴼⵛⴰⴷ ⵉ ⵜⵓⵡⵊⴰ ⵏⵏⵙ, ⵖⵎⴽ ⵍⵍⵉ ⵉⵃⴰⴹⵕ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵎⵓⵍⴰⵢ ⵕⴰⵛⵉⴷ ⴳ ⵓⵎⴹⴰⵍ ⵉⵍⵍⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ.
* ⵕⴰⵛⵉⴷ ⵏⴰⵊⵉⴱ
ⴰⴷ ⵜⵜ ⵉⵡⴰⵍⴰ ⵕⴱⴱⵉ ⵙ ⵓⵊⵎⵉⵍ ⵏⵙ.