ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵎⵎⵓⵜ ⵜⵎⵔⵣⵓⵜ ⴳ ⵓⵎⵣⵔⵓⵢ ⵜⴰⵚⴱⵍⵢⵓⵏⵉⵜ ⵎⴰⵙⵙⴰ ⵎⴰⵔⵢⴰ ⵔⵓⵙⴰ ⴷⵉ ⵎⴰ ⵉⴷⴰⵔⵢⴰⴳⴰ, ⵍⵍⵉ ⵉⴳⴰⵏ ⵓⵍⴰ ⵢⴰⵜ ⵜⵎⴰⵔⴰⵜ ⴱⴰⵀⵔⴰ ⵉⵜⵜⵓⵙⵙⴰⵏⵏ. ⵜⵙⴽⵔ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⵙⵜⴰⵡⵀⵎⵎⴰⵏⵉⵏ ⵥⵍⵉⵏⵉⵏ ⴷ ⵓⵎⵣⵔⵓⵢ ⵏ ⵜⴷⴳⴰ ⵏ ⵔⵔⵉⴼ. ⵜⵜⵓⵙⵙⴰⵏ ⵓⵍⴰ ⵙ ⴽⵉⴳⴰⵏ ⵏ ⵜⵣⵔⴰⵡⵉⵏ ⵍⵍⵉ ⵜⵙⴽⵔ ⴼ ⵎⵓⵃⴰⵎⵎⴰⴷ ⵄⴰⴱⴷⵍⴽⵔⵉⵎ ⵍⵅⴰⵟⵟⴰⴱⵉ, ⵜⵙⴽⵔ ⵓⵍⴰ ⵜⵉⵣⵔⴰⵡⵉⵏ ⴼ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵚⴱⴰⵏⵢⴰ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⵍⵉⵏ ⵙ ⵜⵉⵣⵉ ⵏ ⵓⴼⵔⴰⴳ ⴰⵚⴱⵍⵢⵓⵏⵉ ⵉ ⵉⵥⵥⵍⵎⴷ ⵏ ⵍⵎⵖⵔⵉⴱ.
ⵉⵜⵜⵓⵙⵙⴰⵏ ⵎⴰⵙ ⵜⵙⴳⵓⴷⵉ ⵜⵎⵔⵣⵓⵜ ⴰⴷ ⵢⴰⵏ ⵓⴱⵔⵉⴷ ⴰⵎⴰⵙⵙⴰⵏ ⵉⵙⵜⴰⵡⵀⵎⵎⴰⵏ, ⵜⵓⵎⵣ ⵜⵓⵔⴰⴳⵜ ⴳ ⵜⴼⵍⵙⴰⴼⵜ ⴷ ⵜⵙⴽⵍⴰ ⵙⴳ ⵜⵙⴷⴰⵡⵉⵜ ⵏ ⴽⴰⵎⴱⵍⵓⵜⵙⵏⵉ ⴳ ⵎⴰⴷⵔⵉⴷ ⴷ ⵓⴷⵉⴱⵍⵓⵎ ⵏ ⵜⵓⵜⵍⴰⵢⵜ ⴷ ⵜⵙⴽⵍⴰ ⵜⴰⵄⵕⴰⴱⵜ ⵙⴳ ⵓⵙⵉⵏⴰⴳ ⴰⵏⴰⵎⵓⵔ ⵉ ⵜⵓⵜⵍⴰⵢⵉⵏ ⴷ ⵜⵖⵔⵎⵉⵡⵉⵏ ⴳ ⴱⴰⵔⵉⵣ, ⵜⴰⵎⵥ ⴷⴷⵓⴽⵟⵓⵕⴰ ⴳ ⵓⵎⵣⵔⵓⵢ ⵙⴳ ⵜⵙⴷⴰⵡⵉⵜ ⵏ ⴱⴰⵔⵉⵣ , ⵖⵎⴽ ⵍⵍⵉ ⴰⴷ ⵜⵙⵡⵓⵔⵉ ⴳ ⵜⵎⴰⴷⴷⴰⵙⵜ ⵏ ⵢⵓⵉⵏⵙⴽⵉ ⴳ ⴽⴽⵓⵣ ⵉⵙⴳⴳⵯⴰⵙⵏ.
ⵙⴳ ⵉⴷⵍⵉⵙⵏ ⵏⵏⵙ, ⵔⴰⴷ ⵏⴱⴷⵔ: ⵚⴱⴰⵏⵢⴰ ⴷ ⵔⵔⵉⴼ, ⵜⵉⵎⵙⵡⴰⵔⵉⵏ ⵏ ⵢⴰⵏ ⵓⵎⵣⵔⵓⵢ ⵉⵜⵜⵡⴰⵜⵜⵓⵏ, ⵉⵎⵖⵔⵉⴱⵉⵢⵏ ⵏ ⴼⵕⴰⵏⴽⵓ, ⵜⴰⵎⴰⵖⵉⵏ ⵏ ⵍⵎⵖⵔⵉⴱ, ⵄⴰⴱⴷⵍⴽⵔⵉⵎ ⵍⵅⵟⵟⴰⴱⵉ ⴷ ⵜⵖⵏⵙⴰ ⵉ ⵜⵙⵉⵎⴰⵏⵜ, ⵜⴰⵎⴰⵖⵜ ⵜⴰⴼⵔⵉⵇⵉⵜ…
