ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴱⵓⵎⵉⵚⵕ ⵄⴱⴷⵍⵡⴰⵃⴷ : ⵜⵓⴳⴳⴰ ⵅⴼ ⵓⵖⵎⵉⵙ ⵏ « ⴰⵎⴰⴹⴰⵍ ⴰⵎⴰⵣⵉⵖ »
ⵜⵍⴰⵍⴷ ⵜⵙⵡⵉⵏⴳⵎⵜ ⵏ ⵜⵖⵎⵉⵙⵜ ⵏ « ⵓⵎⴰⴹⴰⵍ ⴰⵎⴰⵣⵉⵖ » ⴳ ⵓⵙⴳⴳⵯⴰⵙ ⵏ 2001 ⵜⴳⴰ ⵙⴳ ⵜⵡⵡⵓⵔⵉⵡⵉⵏ ⵏ ⵜⴷⵔⴰⵡⵜ ⵏ ⵓⴼⴰⵔⵙ ⵉⴷⵉⵙⵢⵓⵏ ⴰⵎⴰⵣⵉⵖ, ⵜⴳⴰ ⵜⵉⵔⵎⵉⵜ ⴰⴷ ⵜⴰⵍⵍⵉ ⴷ ⵉⵍⵓⵍⵏ ⴳ ⵜⵖⵔⵎⵜ ⵏ ⵕⵕⴱⴰⵟ ⵜⵙⵓⵍ ⵓⴽⴰⵏ ⵙⵓⵍ ⴰⵔ ⴰⵙⵙ ⴰⴷ, ⵜⴳⴰ ⵢⴰⵜ ⵜⵍⴳⴳⵯⵉⵜ ⵏⵏⴰ ⵉⵕⵥⵎⵏ ⵜⵉⴳⴳⵓⵔⴰ ⵏⵏⵙ ⵉ ⵉⵎⴰⵔⴰⵜⵏ ⵉⵎⴰⵣⵉⵖⵏ ⴰⴼⴰⴷ ⴰⴷ ⵜⵡⵓⴷⴷⵓⵏ ⵜⴰⵏⵏⴰⵢⵉⵏ ⴷ ⵉⵙⵡⵉⵏⴳⵉⵎⵏ ⵏⵏⵙⵏ, ⵜⴳ ⵙⴳ ⵜⵖⵎⵎⵉⵙⵉⵏ ⵉⴳⴰⵏ ⵡⴰⵥ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⵍⵍⴰ ⴳ ⴷⴷⵓ ⵏ ⵓⵜⵓⵢ ⴷ ⵓⵙⵏⵢⵓⴷⴷⵓ ⵏ ⵜⵡⵜⵎⵜ ⵜⴰⵎⵖⵏⴰⵙⵜ ⵎⴰⵙⵙⴰ ⴰⵎⵉⵏⴰ ⴱⵏⵛⵛⵉⵅ, ⵏⵏⴰ ⵉⴳⴰⵏ ⵜⴰⵙⵍⵡⴰⵢⵜ ⵏ ⵜⵉⵔⵔⴰ ⴳ ⵓⵖⵎⵎⵉⵙ ⴰⴷ, ⴰⵖⵎⵎⵉⵙ ⴰⴷ ⴰⵔ ⴳⵉⵙ ⵜⵜⴰⵔⴰⵏ ⵉⵎⴰⵔⴰⵜⵏ ⵙ ⵜⵓⵜⵍⴰⵢⵉⵏ ⴳⴰⵏⵉⵏ ⵜⵉⵎⵏⵏⴰⵡⵉⵏ ⵅⴼ ⵓⵙⵏⵜⵍ ⵏ ⵜⵎⴰⴳⵉⵜ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙⴳ ⴳⵉⵙⵏⵜ ⵜⴰⵄⵕⴰⴱⵜ ⵜⴰⴼⵕⴰⵏⵙⵉⵙⵜ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⴰⵔ ⵏⵏ ⵜⵜⴳⴳⴰⵏ ⵉⵎⵙⵜⴳⴳⴰⵔⵏ ⵏ ⵓⵖⵎⵉⵙ ⴰⴷ ⵜⵉⵣⵎⵎⴰⵔ ⵏⵏⵙⵏ ⵃⵎⴰ ⴰⴷ ⵓⵔⵓⵏ ⵉⵏⵖⵎⵉⵙⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵓⵙⴽⴽⵉⵍ ⵏⵏⵙ ⵜⵉⴼⵉⵏⴰⵖ, ⵎⴰⵛⵛ ⵜⵇⵇⴰⵏⴷ ⵙⵓⵍ ⵜⵡⵡⵓⵔⵉ ⵉⴷⵓⵙⵏ ⴰⴼⴰⴷ ⴰⴷ ⵜⵜⵏⵢⵓⴷⴷⵓⵏ ⵉⵏⵖⵎⵉⵙⵏ ⵙ ⵜⵎⴰⵣⵉⵖⵜ ⴳ ⵡⴰⵎⵎⴰⵙ ⵏ ⵓⵖⵎⵎⵉⵙ ⴷⴷⵖ, ⴰⴼⴰⴷ ⴰⴷ ⴰⵏⴼⵏ ⵉ ⵜⵣⴳⴳⴰⵍⵉⵏ ⵏⵏⴰ ⵉⵣⴷⵉⵏ ⴷ ⵜⵎⴰⵎⴽⵜ ⵏ ⵜⵉⵔⵔⴰ.
ⴳ ⵜⴳⵉⵔⴰ ⵔⴰⴷ ⵉⵏⵉⵖ ⴰⵢⵢⵓⵣ ⵉ ⴽⵓ ⵎⴰⴷ ⵉⵙⵡⵡⵓⵔⵉⵏ ⴳ ⵓⵖⵎⵎⵉⵙ ⴷⴷⵖ ⵙ ⵓⵎⴰⵜⴰ, ⵏⵏⵓⵔⵣⵖ ⴰⵙⵏ ⵢⴰⵏ ⵉⵎⴰⵍ ⵉⴱⵓⵖⵍⴰⵏ, ⵍⵍⵉⵖ ⴽⴽⴰⵏ 20 ⵏ ⵓⵙⴳⴳⵯⴰⵙ ⴳ ⵜⵡⵡⵓⵔⵉ ⴰⴷ ⵉⵥⵉⵍⵏ.
ⵏⴻⵏⵏⵓⵔⵣ ⴰⴷ ⵏⵏ ⵙⵓⵍ ⴳⵉⵏ ⵜⵓⴳⴳⴰⵙ ⴷ ⵜⵣⵎⵎⴰⵔ ⴰⴼⴰⴷ ⴰⴷ ⵙⵙⵍⴽⵎⵏ ⴰⵙⴽⴽⵉⵍ ⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵓⵙⵡⵉⵔ ⵢⴰⵜⵜⵓⵢⵏ ⵏⵏⴰ ⵔⴰⴷ ⵢⵉⵍⵉ ⴳ ⵎⵏⵉⴷ ⵏ ⵜⵉⵔⵔⴰ ⵙ ⵜⵓⵜⵍⴰⵢⵉⵏ ⵢⴰⴷⵏ .
