ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵍⵇⵇⵎ ⵜⵎⵙⵇⴰⴷⵜ ⵏ ⵙⴱⴰⵏⵢⴰ ⴳ ⵕⵕⴱⴰⵟ, ⵜⴰⵎⴰⵥⵓⵏⵜ ⵏ ⵍⵎⵖⵔⵉⴱ, ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵓⵙⴽⴽⵉⵍ ⵏ ⵜⴼⵉⵏⴰⵖ, ⵉ ⵜⵎⴰⴳⵉⵜ ⵏⵏ ⵜⴰⵎⵥⵕⴰⵢⵜ ⵜⴰⵎⴰⵢⵏⵓⵜ.
ⵙ ⵖⵎⴽ ⴰⴷ, ⵜⵍⵍⴰ ⵜⵎⵙⵇⴰⴷⵜ ⵏ ⵙⴱⴰⵏⵢⴰ ⴰⴽⴷ ⵜⵉⵎⵙⵇⴰⴷⵉⵏ ⵏ ⵓⵕⵓⴱⴱⴰ ⵍⵍⵉ ⵓⵔⴰⵏⵉⵏ ⵉⵙⵎⴰⵡⵏ ⵏⵏⵙⵏⵜ ⵙ ⵜⵓⵜⵍⴰⵢⵜ ⵜⴰⵎⵣⵉⵖⵜ ⵙ ⵓⵙⴽⴽⵉⵍ ⵏ ⵜⴼⵉⵏⴰⵖ, ⵍⵍⵉⵖ ⵜⴳⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵙⵓⵜⴳⵏ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⴳ ⵓⵎⵓⵙⵙⵓ ⴰⵎⴰⵣⵉⵖ ⴳ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⴰⵙⴽⵔ ⴰⴷ ⵏ ⵜⴳⵔⴰⵡⵜ ⵜⴰⴷⵉⴱⵍⵓⵎⴰⵙⵉⵜ ⵏ ⵙⴱⴰⵏⵢⴰ ⵍⵍⵉ ⵜⵓⵔⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵖⵉⵎ ⵏⵏⵙ ⴳ ⵕⵕⴱⴰⵟ.
ⵢⵓⵣ ⵏ ⵢⴰⴷ ⵢⴳⵔⴰⵡ ⴰⵏⴰⵎⵓⵔ ⴰⵎⴰⵣⵉⵖ ⵜⵉⴱⵔⴰⵜⵉⵏ ⵉ ⵜⴳⵔⴰⵡⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵍⵍⴰⵏⵉⵏ ⴳ ⵍⵎⵖⵔⵉⴱ, ⴼ ⵓⵙⵓⵖⵍ ⵙ ⵜⵎⴰⵣⵉⵖⵜ ⴷ ⵜⵉⵔⵔⴰ ⵙ ⵓⵙⴽⴽⵉⵍ ⵏ ⵜⴼⵉⵏⴰⵖ ⴳ ⵉⵙⵖⵉⵎⵏ ⵏ ⵜⴳⵔⴰⵡⵉⵏ ⴰⴷ.
ⵉⵎⵙⵏⵉⴷ ⵎⴰⵙⵙ ⵕⴰⵛⵉⴷ ⵕⴰⵅⴰ, ⴰⵎⵖⴰⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ, ⴰⵙⴷⴰⵡ ⴼ ⵉⵣⵔⴼⴰⵏ ⵉⴷⵙⵍⴰⵏⵏ ⵏ ⵜⵎⴰⵣⵉⵖⵜ, ⴳ ⵎⴰⴷ ⵉⵥⵍⵉⵏ ⵙ ⵓⵙⵙⵍⵎⴷ ⴷ ⵓⵙⵏⵖⵎⵙ ⴷ ⵜⴷⵍⵙⴰ ⴷ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ, ⵉ ⴽⵉⴳⴰⵏ ⵏ ⵜⵎⵙⵇⴰⴷⵉⵏ ⵏ ⵓⵕⵓⴱⴱⴰ ⴳ ⵕⵕⴱⴰⵟ, ⴳⵉⵙⵏⵜ ⵜⵉⵎⵙⵇⴰⴷⵉⵏ ⵏ ⴼⵕⴰⵏⵚⴰ, ⵙⴱⴰⵏⵢⴰ, ⵟⵟⴰⵍⵢⴰⵏ, ⴱⵉⵍⵊⵉⴽⴰ, ⵀⵓⵍⴰⵏⴷⴰ, ⴷⴷⴰⵏⵉⵎⴰⵔⴽ, ⵏⵏⴰⵔⵡⵉⵊ…
ⵉⵜⵜⵔ ⵎⴰⵙⵙ ⵕⴰⵛⵉⴷ ⵕⴰⵅⴰ ⵙⴳ ⵜⵎⵙⵇⴰⴷⵉⵏ ⴰⴷ ⵜⵉⵔⵔⴰ ⵙ ⵜⵎⴰⵣⵉⵖⵜ ⵍⵍⵉ ⵉⴳⴰⵏ ⵓⵍⴰ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴷ ⴰⴷ ⴰⵙ ⵉⵜⵜⵓⴼⴽⵉ ⵓⴷⵖⴰⵔ ⵏⵏⵙ ⴳ ⵜⵉⵍⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵏ ⵓⵕⵓⴱⴱⴰ ⴳ ⵕⵕⴱⴰⵟ, ⵖⵎⴽ ⴰⵏⵏ ⴷ ⵓⵙⵙⵍⵎⴷ ⵏⵏⵙ ⴳ ⵜⵉⵏⵎⴰⵍ ⴷ ⵉⵙⵉⵏⴰⴳⵏ ⴹⴼⵕⵏⵉⵏ ⵜⴰⴷⵉⴱⵍⵓⵎⴰⵙⵉⵜ ⴰⴷ ⴳ ⵍⵎⵖⵔⵉⴱ.
ⵖⵎⴽ ⵍⵍⵉ ⵉⵜⵜⵔ ⵎⴰⵙⵙ ⵕⴰⵅⴰ ⴳ ⵜⴱⵔⴰⵜⵉⵏ ⵏⵏⵙ ⵜⵉⵔⵔⴰ ⵏ ⵉⵎⴰⵡⵏ ⵏ ⵜⵎⵙⵇⴰⴷⵉⵏ ⴷ ⵜⵙⵇⵓⵏⵙⵓⵜⵉⵏ ⴷ ⵉⵙⵉⵏⴰⴳⵏ ⵏ ⵓⵕⵓⴱⴱⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
