ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵓⵣⵏ ⵜⵎⴰⵔⵉⵜ ⵜⴰⴱⵕⵍⴰⵎⴰⵏⵉⵜ ⵏⵣⵀⴰ ⴰⴱⴰⴽⵔⵉⵎ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⴱⵔⴰⵜⵉⵏ ⵉ ⵉⴳⵎⴰⵎⵏ ⵏ ⵜⵏⴱⴰⴹⵜ ⴼ ⵓⵙⴽⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⵉⵥⵍⵉⵏ ⵙ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.
ⵜⵍⵍⴰ ⵜⵙⵏⵜⴰⵢⵜ ⴰⴷ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵏ ⵓⴽⵜⵜⵓⵢ ⵏ ⵉⵏⴰⵡ ⴰⴳⵍⴷⴰⵏ ⵏ ⴰⵊⴷⵉⵔ ⵏ 17 ⴽⵟⵓⴱⵕ 2001, ⴷ ⵓⵙⴰⵜⵉ ⵏ ⵓⴹⴼⵕ ⵏ ⵓⴹⴼⵕ ⵏ ⵓⵣⵣⴳⵉⵔ ⵏ ⵉⴳⵔⴰⵏ ⵓⵏⴱⵉⴹⵏ ⵏ ⵓⵙⵍⴳⵏ ⵉⵣⴷⵉⵏ ⵙ ⵓⵙⵔⵓⵙ ⵏ ⵜⴼⵔⴽⵉⵡⵉⵏ ⵏ ⵓⵙⴽⵔ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵜⵎⴰⵎⴽⵉⵏ ⵏ ⵓⵙⵉⴷⴼ ⵏⵏⵙ 26.16 ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵓⵙⵙⵍⵎⴷ ⴷ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⵉⵎⵣⵡⵓⵔⴰ.
ⵜⵏⵏⴰ ⵜⴳⵎⴰⵎⵜ ⵏ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ ⵎⴰⵙ ⵉⴷⵓⵙ ⵓⵏⴳⵔⴰⵡ ⴰⵣⵣⵔⴰⴼ ⵙ ⵜⵥⵕⵉⴳⵜ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 16.26 ⵉⵣⴷⵉⵏ ⵙ ⵓⵙⵔⵓⵙ ⵏ ⵜⴼⵔⴽⵉⵡⵉⵏ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴷ ⵜⵎⴰⵎⴽⵉⵏ ⵏ ⵓⵙⵉⴷⴼ ⵏⵏⵙ ⴳ ⵢⵉⴳⵔ ⵏ ⵓⵙⵙⵍⵎⴷ ⴷ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⴳⴰⵏⵉⵏ ⵜⵉⵎⵣⵡⵓⵔⴰ ⵍⵍⵉ ⴼ ⴷ ⵉⴼⴼⵓⵖ ⵙ ⵓⴼⵓⵖ ⵏ ⵓⴹⴰⵀⵉⵕ ⴰⵛⴰⵔⵉⴼ 19.121 ⵏ 12 ⵛⵓⵜⴰⵏⴱⵉⵔ 2019, ⴰⵔ ⵖⵉⵍⴰⴷ ⵣⵔⵉⵏ ⴽⵕⴰⴹ ⵉⵙⴳⴳⵯⴰⵙⵏ ⵓⴼⵓⵖ ⵏ ⵓⵙⵍⴳⵏ ⴰⴷ ⴰⵎⴰⴷⴷⴰⵙ..
ⵜⵉⵏⵉ ⵜⵎⴰⵔⵉⵜ ⴰⴱⴰⴽⵔⵉⵎ ⵎⴰⵙ ⵉⵙⴰⵡⵍ ⵓⵎⵏⵏⵉ 31 ⵏ ⵓⵙⵍⴳⵏ ⴰⴷ ⴰⵎⴰⴷⴷⴰⵙ ⴼ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⵎⵔⵙⴰⵍ ⴷ ⵜⴳⵔⴰⵡⵉⵏ ⵜⵉⴷⵙⵜⴰⵔⵉⵏ ⵍⵍⵉ ⵔⴰⴷ ⵉⵙⵔⵙ ⵉⵖⴰⵡⴰⵙⵏ ⵏ ⵜⵡⵡⵓⵔⵉ ⴳ ⵍⵍⴰⵏⵜ ⵜⵎⴰⵎⴽⵉⵏ ⴷ ⵜⴼⵔⴽⵉⵡⵉⵏ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⴳⵔⴰⵏ ⵍⵍⵉ ⴼⵍⵍⴰⵏⵜⵏ ⴳ ⵎⴰⴷ ⵓⴷ ⵓⵔ ⵉⵣⵔⵉⵏ ⴼ ⴽⵕⴰⴷ ⵉⵢⵢⵉⵔⵏ ⵏ ⵓⴼⵓⵖ ⵏ ⵓⵙⵍⴳⵏ ⴰⵎⴰⴷⴷⴰⵙ ⵏ ⵓⵖⵎⵉⵙ ⴰⵎⴰⴷⴷⵓⴷ.
ⵜⵙⵙⴽⵜⵉ ⴷ ⵓⵍⴰ ⵎⴰⵙ ⵉⵙⴰⵡⵍ ⵓⵎⵏⵏⵉ 31 ⵏ ⵓⵙⵍⴳⵏ ⴰⴷ ⴰⵎⴰⴷⴷⴰⵙ ⴼ ⵙⵎⵎⵓⵙ ⵉⵙⴳⴳⵯⴰⵙⵏ ⵃⵓⵎⴰ ⴰⴷ ⵙⴽⵔⵏⵜ ⵜⵎⴰⵡⴰⵙⵉⵏ ⴰⵢⵍⵍⵉ ⵉⵍⵍⴰⵏ ⴳ ⵉⵎⵏⵏⵉⵜⵏ 24 ⴷ 27 ⴷ 28 ⴷ 29 ⵏ ⵓⵙⵍⴳⵏ ⴰⴷ.
ⴳ ⵉⵙⵇⵙⵉⵜⵏ ⵉⵎⵉⵔⴰⵢⵏ ⵍⵍⵉ ⵜⴼⴽⴰ ⵜⵎⴰⵔⵉⵜ ⵉ ⵉⴳⵎⴰⵎⵏ ⵏ ⵜⵏⴱⴰⴹⵜ, ⵜⵙⵇⵙⴰ ⴼ ⵜⵉⵍⵉⵜ ⵏ ⵉⵖⴰⵡⴰⵙⵏ ⵏ ⵜⵡⵡⵓⵔⵉ ⴷⴰⵔ ⵜⵎⴰⵡⴰⵙⵉⵏ ⵜⵜⴰⵡⴱⴷⴰⵔⵏⵉⵏ ⵅⴼ ⵜⵎⴰⵎⴽⵜ ⴷ ⵜⴼⵔⴽⵉⵡⵉⵏ ⵏ ⵓⵙⵉⴷⴼ ⵏ ⵜⵎⴰⵣⵉⵖⵜ ⴳ ⵉⴳⵔⴰⵏ ⵍⵍⵉ ⵙⵔⵙⵏⵜ ⵥⵍⵉⵏⵉⵏ ⵖⵎⴽ ⴰⵏⵏ ⵓⵍⴰ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵉⵥⵕⴼⴰⵏⵏ ⵜⵜⴰⵡⵙⵔⴰⵙⵏⵉⵏ.
