ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵏⵏⴰ ⵜⵎⴰⵡⴰⵙⵜ ⵜⴰⴼⵉⴹⵉⵕⴰⵍⵉⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵍⴰⵍⵎⴰⵏ, ⴳ ⵢⴰⵏ ⵓⵚⵉⵡⴹ ⵏⵏⵙ ⵉⴳⴳⵓⵔⴰⵏ, ⵎⴰⵙ ⵉⴳⴰ ⵓⵙⵏⴼⴰⵔ ⵏ ⵓⵏⴱⴰⴹ ⴰⵏⵉⵎⴰⵏ ⵢⴰⵜ ⵜⵖⴰⵡⵙⴰ ⵉⵙⵜⴰⵡⵀⵎⵎⴰⵏ, ⴰⵙⵏⴼⴰⵔ ⴰⴷ ⵍⵍⵉ ⴷ ⵢⵉⵡⵉ ⵍⵎⵖⵔⵉⴱ ⵉ ⵓⴼⵓⴽⴽⵓ ⵏ ⵜⵎⴰⵖⵜ ⴼ ⵚⵚⵀⵕⴰ.
ⵜⵉⵏⵉ ⵜⵎⴰⵡⴰⵙⵜ ⴰⴷ ⵎⴰⵙ ⵜⵙⵏⴰⵍ ⴰⵍⵎⴰⵏⵢⴰ ⵜⵓⴳⴳⴰⵙ ⵍⵍⵉ ⵉⵙⴽⴰⵔ ⵙⵜⵉⴼⴰⵏ ⴷⵉⵎⵉⵙⵜⵓⵔⴰ, ⴰⵎⴰⵣⴰⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵎⵓⵏⵏⵉⵏ, ⵃⵎⴰ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⵣⵔⴼⴰⵏ ⵉⵜⵜⵓⵇⴱⴰⵍⵏ ⵉⴱⴷⴷⴱ ⴼ ⵜⵖⵜⴰⵙⵜ 2602.
ⴳ ⵓⵎⵏⵉⴷ ⵢⴰⴹⵏⵉⵏ, ⵜⵙⵓⵜⴳ ⵜⵏⴱⴰⴹⵜ ⵜⴰⴼⵉⴹⵉⵕⴰⵍⵉⵜ ⵜⴰⵍⵎⴰⵏⵉⵜ ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵃⵎⴰ ⴰⴷ ⵢⵉⵍⵉ ⵓⵔⴳⴳⵉⴳ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵜⵙⴳⴰ ⵏ ⵉⵥⵥⵍⵎⴷ ⵏ ⵉⴼⵔⵉⵇⵢⴰ, ⴰⵢⵍⵍⵉ ⴰⴽⴽⵯ ⵉⴼⴰⵡⵏ ⴳ ⵜⵓⴳⴳⴰⵙ ⵜⵉⴷⵉⴱⵍⵓⵎⴰⵙⵉⵢⵉⵏ ⵍⵍⵉ ⵜⵙⴽⴰⵔ ⵃⵎⴰ ⴰⴷ ⵢⵉⵍⵉ ⵓⴼⵔⴰ ⴳ ⵍⵉⴱⵢⴰ.
ⵜⵙⵓⵜⴳ ⵜⵎⴰⵡⴰⵙⵜ ⵜⴰⵍⵎⴰⵏⵉⵜ ⴰⵡⴷ ⵜⵉⵕⵡⵉ ⵏ ⵉⵙⵏⴼⵍⵏ ⵍⵍⴰⵏⵉⵏ ⵊⴰⵔ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⴰⵍⵎⴰⵏⵢⴰ ⴳ ⵉⴳⵔⴰⵏ ⵏ ⵜⴷⵎⵙⴰ ⴷ ⵜⴷⵍⵙⴰ ⴷ ⵓⵙⵖⵏⵣⵉ.
