ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵙⵀⵔⵛ ⵜⵎⵙⵇⴰⴷⵜ ⵜⵓⴽⵕⴰⵏⵉⵜ ⴳ ⵕⵕⴱⴰⵟ, ⵓⴽⵙⴰⵏⴰ ⴼⴰⵙⵉⵍⵢⵉⴱⴰ, ⵙ ⵜⵓⴽⵢⴰ ⵍⵍⵉ ⵎⵎⵉ ⵜⴻⵜⵜⵎⵏⴰⵍⴰ ⵜⵎⴰⵣⵉⵔⵜ ⵖ ⴷⴰⵔ ‘’ⵓⵡⴰⵏⴽ ⴰⵏⴰⵔⴰⴳ’’ ⵜⵡⴰⵜⵙ ⵙⵔⵙ ⵔⵓⵙⵢⴰ. ⵜⴰⵎⵙⵇⴰⴷⵜ ⵜⵓⴽⵕⴰⵏⵉⵜ, ⴳ ⵜⴳⵓⵔⵉ ⵏⵏⵙ ⴳ ⵢⴰⵏ ⵢⵉⵡⵉⵣ ⴰⴷⵍⵙⴰⵏ ⵍⵍⵉ ⵉⵙⵏⵎⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵉ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵙ ⵜⴷⵔⴰⵡⵜ ⴰⴽⴷ ⵓⵙⵉⵔⴰ ⵏ ⵜⵎⴰⴷⴷⴰⵙⵜ ⵏ ⵍⵢⵓⵏⵉⵙⴽⵓ ⴳ ⵕⵕⴱⴰⵟ, ⵉⴹ ⵏ 25 ⴱⵕⴰⵢⵕ 2022, ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵏⵜ ‘’ⴰⴳⴳⴰⵍⵏ ⵉⵔⵓⵙⵉⵢⵏ ⵙⵙⵏⵜⵉⵏ ⵙ ⵓⵍⴽ ⵏ ⵜⵓⴳⵜⵜ ⵏ ⵜⵙⴳⴳⵉⵡⵉⵏ ⵜⵓⴽⵕⴰⵏⵉⵢⵉⵏ ⴷ ⵜⵔⴷⵍⴰ ⵏ ⵜⵓⵚⴽⵉⵡⵉⵏ. ⵜⵔⵏⵓ, ‘’ⵎⵇⵇⴰⵔ ⵜⵉⵎⵙⵓⵜⴰⵍ ⴷⴰ ⵜⵙⵙⵏ ⵜⵎⴰⵣⵉⵔⵜ ⵏⵏⵙ, ⵓⵔ ⵜⵙⵙⵉⴽⵉ ⴰⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵏⵜ, ⵃⵎⴰ ⴰⴷ ⵜⵙⴷⴷⵉⴷ ⵙ ⵜⴰⵎⵓⵏⵜ ⵏ ⵓⵎⴰⴷⴰⵏ ⵓⴽⵕⴰⵏⵉ, ⵡⴰⵅⵅⴰ ⵙ ⵜⴷⵍⵙⵉⵡⵉⵏ ⴷ ⵜⵓⵜⵍⴰⵢⵉⵏ ⵏⵏⵙ ⵜⵉⵎⵏⵏⴰⵡⵉⵏ, ⵍⵍⵉ ⵉⵡⴹⵏ ⵜⵉⵎⵉⴹⵉ ⵏ ⵜⵓⵜⵍⴰⵢⵜ. ⵜⵙⵎⴰⵜⵔ ⵏⵜⵜⴰⵜ ⵏⵉⵜ, ⵜⴰⵎⵙⴰⵡⵍⵜ ⵜⵓⴽⵕⴰⵏⵉⵜ ⴳ ⵜⴼⵓⴳⵍⴰ ⵉⵜⵜⵓⵙⴽⴰⵔⵏ ⴳ ⵓⵙⴰⵔⴰⴳ ⵏ ⵓⵙⵉⵏⴰⴳ ⴷⴷⵓ ⵜⵎⴰⵜⴰⵔⵜ: ‘’ ⵜⵓⵜⵍⴰⵢⵜ ⵜⴰⵢⵎⵎⴰⵜ: ⴰⴼⵔⴰⴳ, ⴰⵙⵉⵜⴳ, ⴷ ⵓⵣⵣⵔⴰⵢ, ⵎⴰⵙ ⴷ ⵜⴰⵎⵙⵇⴰⴷⵜ ⵏ ⵜⵎⴰⵣⵉⵔⵜ ⵏⵏⵙ ⴰⵔ ⵜⵃⵢⵢⴰⵍ ⵜⴰⴷⵔⴰⵡⵜ ⴳ ⵜⴼⵓⴳⵍⴰ ⵏ ⵓⵙⴳåⴰⵙ, ⴰⵎ ⵉⵙⴳåⴰⵙⵏ ⵣⵔⵉⵏⵉⵏ, ⵙ ⵓⴼⵙⵔ ⵏ ⵜⴰⵢⵙⵉ ⵔⴰⴷ ⵜ ⵉⵙⵏⴽⴷ ⵜⴰⴳⵔⵓⵎⵎⴰ ⵏ ⵉⵎⵥⵢⴰⵏⵏ ⵓⴽⵕⴰⵏⵉⵢⵏ, ⵜⵔⵏⵓ ‘’ ⵎⴰⵙ ⴷ ⵜⵉⵎⵙⵓⵜⴰⵍ ⵏ ⵉⵎⵏⵖⵉ ⵓⵔ ⴰⵖ ⵓⵊⵊⵉⵏⵜ’’. ⵜⵙⵏⴽⴷ ⵓⴽⵙⴰⵏⴰ ⴼⴰⵙⵉⵍⵢⵉⴱⴰ ⴳ ⵜⵎⵍⴷⴰ ⴰⴷ ⵏⵉⵜ, ⵍⵍⵉ ⵉⵜⵜⵓⵏⵎⴰⵍⴰⵏ ⵙ ⵜⵉⵍⵉⵜ ⵏ ⵜⵓⴳⵜⵜ ⵏ ⵉⵏⴳⵎⴰⵎⵏ ⵉⴷⵓⴱⵍⵉⵎⴰⵙⵉⵢⵏ ⵓⵖⵣⵉⵏⵏ ⴷⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵜⴰⵎⴷⵢⴰⵣⵜ ⵜⴰⵎⵣⵡⴰⵔⵓⵜ ⵜⵓⵔⴰ ⵜⵜ ‘’ⵉⵙⵢⴰ ⵓⴽⵕⴰⵢⵏⴽⴰ’’ ⵜⴰⵎⴷⵢⴰⵣⵜ ⵏⵏⴰ ⵙ ⴰⵔ ⵜⵙⴼⵓⴳⵍⵓ ⵓⴽⵔⴰⵏⵢⴰ ⵙ ⵓⵣⵣⵔⴰⵢ ⵏ 151 ⵏ ⵓⵙⴳåⴰⵙ ⵅⴼ ⵜⵍⴰⵍⵉⵜ ⵏⵏⵙ. ⵉⴽⴽⴰ ⵜⵜ ⵉⵏⵏ ⵓⵙⵍⵡⴰⵢ ⵓⴽⵕⴰⵏⵉ ⴼⵓⵍⵓⴷⵉⵎⵉⵔ ⵣⵉⵍⵉⵏⵙⴽⵉ ⵉⵙⵙⵓⴹⵕⴻⵕ ⴳⵜⵉⵣⵉ ⵉⵣⵔⵉⵏ ⵎⴰⵙ ⵉⵎⵎⵓⵜ 130 ⵏ ⵓⴼⴳⴰⵏ, ⵉⵜⵜⵢⵉⴳⵉⵙ ⵓⴳⴳⴰⵔ ⵏ 300 ⵙ ⵓⵙⵔⴰⴳ ⵏ ⵓⵙⵍⴰⴽ ⴰⵔⵓⵙⵉ. ⵜⴰⵎⴰ ⵏⵏⵙ, ⵉⵙⵎⵉⵙⵉ ⵓⵙⵍⵡⴰⵢ ⴰⵔⵓⵙⵉ ⴼⵍⴰⴷⵉⵎⵉⵕ ⴱⵓⵜⵉⵏ ⵜⴰⵎⴳⴳⵉⵜ ⵜⴰⵙⴷⵔⴰⵙⵜ ⵙ ⵎⴰⵙ ⴷⴰⵔⵙ ⵓⵔ ⵉⵍⵍⵉ ⵓⵙⵜⴰⵢ ⵢⴰⴹⵏ.
ⴰⵙⵓⵖⵍ: ⵄⴰⴱⴷⵍⵡⴰⵃⵉⴷ ⴱⵓⵜⴱⴰⵖⴰ
