ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵜⵔⵏ ⵎⵏⵏⴰⵡ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵜⵖⵉⵎⵉⵜ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵡⴰⵢⵏⴰⵙ, ⴰⴷ ⵢⵉⵍⵉ ⵓⵙⵓⵖⵍ ⴰⴷⵖⵢⴰⵏ ⵏ ⵜⵖⵉⵎⵉⵜⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⴷⴼⴼⵉⵔ ⵏ ⵓⵙⵎⵏⵉⴷ ⵏ ⵉⵙⵇⵉⵙⵜⵏ ⴼ ⵉⴳⵔⴰⵏ ⵉⵎⴰⵡⵙⴰⵙⵏ ⵍⵍⴰⵏⵉⵏ ⴳ ⵜⵖⵉⵎⵉⵜ, ⵜⵙⴰⵡⵍ ⵜⵎⴰⵔⵉⵜ ⵜⴱⵕⵍⴰⵎⴰⵏⵉⵜ ⵙⴳ ⵓⴽⴰⴱⴰⵕ ⵏ ⵡⴰⵍⴰⵢ ⴷ ⵜⵙⵔⵓⵎⵏⵜ, ⵅⴰⴷⵉⵊⴰ ⴰⵕⵓⵀⴰⵍ, ⵜⵉⵏⵉ ⴳ ⵜⴽⵛⵛⵓⵎⵜ ⵏⵏⵙ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵓⵖⵍ ⵙ ⵜⵎⴰⵣⵉⵖⵜ ⵏ ⵜⵖⵉⵎⵉⵜ ⵙⵍⴰⵡⴰⵏ ⴰⴽⴽⵯ ⵎⴰⵙ ⵉⵙⴰⵡⵍ ⵓⴷⵓⵙⵜⵓⵔ ⵏ 2011 ⴼ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳⴰⵏ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵏ ⵍⵎⵖⵔⵉⴱ, ⴷ ⵎⴰⵙ ⴷ ⵉⵇⵇⴰⵏ ⴰⴷ ⵉⵙⵔⵙ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⴰⵙⵙⵏ ⵉⵍⵓⵊⵉⵙⵜⵉⵢⵏ ⵉ ⵓⵙⵓⵖⵍ ⵏ ⵜⵖⵉⵎⵉⵜⵉⵏ ⵏ ⵓⵙⵇⵇⵉⵎ ⵙ ⵜⵎⴰⵣⵉⵖⵜ ⵃⵎⴰ ⴰⴷ ⵔⵎⵙⵏ ⵉⵏⵎⵓⵔⴰ ⴷ ⵜⵏⵎⵓⵔⴰ ⵎⴰⴷ ⴳⵉⵙⵏⵜ ⵉⵜⵜⵓⵏⵏⴰⵏ.
ⵜⴰⵎⵔⴰⵔⵓⵜ ⵏ ⵜⵏⵙⵙⵉⵅⴼⵜ ⵏ ⵜⵖⵉⵎⵉⵜ ⴼ ⵜⵏⵇⵉⴹⵜ ⵏ ⵓⵙⵏⵎⴰⵍⴰ ⵏ ⵜⵎⴰⵔⵉⵜ ⵙⴳ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵜⵉⵡⵉ ⴷ ⴰⴷ ⵉⵍⵉⵏⵜ ⵜⴽⵛⵛⵓⵎⵉⵏ ⵏ ⵎⵏⵏⴰⵡⵜ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵍⵍⵉ ⵜⵜⵔⵏⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵎⵀⵍ ⵏ ⵓⵙⵍⴳⵏ ⴰⵎⴰⴷⴷⴰⵙ 26.16 ⵉⵥⵍⵉⵏ ⵙ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⴳⵉⵏⵜ ⵜⵔⵓⴱⴱⴰ ⴰⴷ ⵙⴰⵡⵍⵏⵉⵏ, ⵜⴰⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⵜⴰⵔⴰⴱⴱⵓⵜ ⵜⴰⵏⵙⵉⵎⴰⵏⵜ ⵏ ⵜⵎⵓⵏⵉ ⴷ ⵢⵉⵙⴽⵉⵍ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵜⴰⵔⴰⴱⴱⵓⵜ ⵜⴰⵃⴰⵔⴰⴽⵉⵜ.
