ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⵉⵎⴰ – ⴰⵢⵢⴰⵡ ⵏ ⵍⵃⵓⵙⵉⵎⴰ -, ⵉⵛⵜ ⵏ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⴰⵙⵙ ⵏ ⵓⵙⴰⵎⴰⵙ 05 ⵏⵓⵡⴰⵏⴱⵉⵔ 2023 ⴳ ⵜⴰⴷⴷⴰⵔⵜ ⵏ ⵉⵃⵓⴷⵔⵉⵢⵢⵏ – ⵉⵎⵣⵓⵔⵏ. ⵉⴱⴷⴷ ⵅⴼ ⵡⵓⵜⵓⵢ ⵏ ⵜⵙⵓⵜⵍⵜ ⴰ, ⴰⵙⵍⵎⴰⴷ “ⵓⵙⴰⵎⴰ ⵍⵡⴰⵍⵉⴷⵉ” ⴰⵎⵔⵣⵓ ⴳ ⵜⵎⴰⵙⵙⴰⵏⵉⵏ ⵏ ⵓⵙⴳⵎⵉ, ⴷ ⵓⵙⵍⵎⴰⴷ ⵏ ⵓⵙⵍⵎⴷ ⴰⵏⴰⴼⵍⵍⴰ ⴳ ⵜⵖⵉⵡⴰⵏⵜ ⵜⴰⴳⵜⵉⵥⵍⵉⵜ ⵏ ⵏⵏⴰⴹⵓⵕ- ⵜⴰⵣⵓⵏⵉ ⵏ ⵜⵖⵓⵔⵉⵡⵉⵏ ⵏ ⵜⵎⴰⵣⵉⵖⵜ “ⵊⴰⵡⴰⴷ ⵣⵣⵓⴱⵄ”.
ⵜⵙⵙⵏⵜⴰ ⵜⵙⵓⵜⵍⵜ ⴰ ⴳ ⵓⵎⵣⵡⴰⵔⵓ, ⵙ ⵜⴳⵓⵔⵉ ⵏ ⵓⵎⵖⴰⵔ ⵏ ⵜⵎⵙⵎⵓⵏⵜ, ⵙⴳ ⵙⵙⵏⵏⵉ ⵙ ⵓⵙⵉⵡⵍ ⵏ ⵓⵙⵍⵎⴰⴷ “ⵓⵙⴰⵎⴰ ⵍⵡⴰⵍⵉⴷⵉ” ⵅⴼ ⵜⵥⵉⵕⵉⵏ ⵏ ⵓⵙⵍⵎⴷ ⴷ ⵜⵎⴰⵢⵏⵓⵜⵉⵏ ⵏ ⵜⵎⴰⵙⵙⴰⵏⵉⵏ ⵏ ⵓⵙⴳⵎⵉ.
ⴳ ⵜⵉⵣⵉ ⵏ ⵜⴷⴳⴳⵯⴰⵜ, ⵜⴻⵜⵜⵡⴰⴳⴳ ⴳⵉⵙ ⵜⵙⴰⵡⵔⵜ ⵏ ⵜⴷⵉⴷⴰⴽⵜⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉⴱⴷⴷ ⵅⴰⴼⵙ ⵓⵙⵍⵎⴰⴷ “ⴰⴷ. ⵊⴰⵡⴰⴷ ⵣⵣⵓⴱⵄ” ⵉⵙⵙⵏⵜⴰ ⵜⵜ ⵙ ⵓⵙⵉⵡⵍ ⵅⴼ ⵜⵎⴰⵢⵏⵓⵜⵉⵏ ⵏ ⵜⵖⴰⵔⴰⵙⵜ ⵏ ⵜⵎⴰⵣⵉⵖⵜ ⴷ ⵎⴰⵕⵕⴰ ⵎⵉⵏ ⵉⵇⵇⵏⴻⵏ ⵖⵔ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵍⵎⴷ ⴰⵎⵏⵣⵓ, ⵙⴳ ⵙⵙⵏⵏⵉ ⵉⴱⴹⴰ ⵉⵎⵃⴹⴰⵕⵏ/ⵜⵉⵎⵃⴹⴰⵕⵉⵏ ⴷ ⵉⵙⵍⵎⴰⴷⵏ ⵉⵎⵉⵍⴰⵏ ⵅⴼ ⵜⴳⵔⴰⵡⵉⵏ ⵃⵎⴰ ⴰⴷ ⵙⵙⵔⵙⵏ ⵎⴰⵕⵕⴰ ⵎⵉⵏ ⵥⵕⵉⵏ ⴳ ⵎⵉⵏ ⵉⵄⴷⵓⵏ.
ⴳ ⵓⵎⴳⴳⴰⵔⵓ, ⵜⵏⴼⴰⵔⴰⵔ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⵙ ⵓⴱⵟⵟⵓ ⵏ ⵉⵙⵍⴽⵉⵏⴻⵏ ⵅⴼ ⵉⵎⵃⴹⴰⵕⵏ ⴷ ⵜⵎⵃⴹⴰⵕⵉⵏ ⴷ ⵉⵙⵍⵎⴰⴷⵏ, ⴷ ⵜⵡⵍⴰⴼⵜ ⵉ ⵎⴰⵕⵕⴰ ⵉⵎⵉⵍⴰⵏⴻⵏ.
