ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴷⴰ ⵉⵜⵜⵃⵢⵢⴰⵍ ⵍⵎⵖⵔⵉⴱ ⴰⴷ ⵉⴷⵔⵓ ⴳ ⵜⵓⵏⵖⵉⵍⵜ ⵜⴰⵎⴰⵢⵏⵓⵜ ⵏ ⵓⵎⵣⵉⵣⵡⵔ ⵏ » ⵡⵉⴽⵉ ⴷⴰ ⵜⵜⵅⵙ ⵉⴷⵔⵉⵣⵏ » ⵏ ⵓⵙⴳⴳⵯⴰⵙ 2024, ⵏⵏⴰ ⵉⴳⴰⵏ ⵢⴰⵜ ⵙⴳ ⵉⵎⵣⵉⵣⵡⴰⵔ ⵉⵎⵓⵍⴰⴼⵏ ⴳ ⵓⵎⴰⴹⴰⵍ ⴳ ⵓⵎⵏⵉⴷ ⵏ ⵓⵙⴰⵎⵓ ⵏ ⴳⵉⵏⵉⵙ ⵉ ⵜⵎⴽⵔⵔⵉⵡⵉⵏ. ⴳ ⵜⵓⵏⵖⵉⵍⵜ ⵉⵣⵔⵉⵏ, ⵉⴷⵔⴰ ⴳⵉⵙ ⵓⴳⴳⴰⵔ ⵏ 4700 ⵏ ⵓⵎⵙⵙⵓⵍⴼ ⵙⴳ 46 ⵏ ⵓⵡⴰⵏⴽ ⵙⴳ ⵓⵎⴰⴹⴰⵍ, ⵉⵜⵜⵓⵙⴽⴰⵔ ⵓⵣⵣⵉⴳⵯⵣ ⵏ ⵡⵓⴳⴳⴰⵔ ⵏ 220,000 ⵏ ⵜⵡⵍⴰⴼⵜ.
ⴰⵎⵣⵉⵣⵡⵔ ⴰⴷ ⴰⵎⴰⴹⵍⴰⵏ, ⵏⵏⴰ ⵉⵜⵜⵓⵙⵏⵎⴰⵍⴰⵏ ⴽⵓ ⴰⵙⴳⴳⵯⴰⵙⵏ ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ ⴷ ⴽⵟⵓⴱⵕ, ⴷⴰ ⴳⵉⵙ ⴷⵔⵔⵓⵏⵜ ⵜⵎⵔⴰⵡⵉⵏ ⵏ ⵉⵡⴰⵏⴽⵏ ⵙⴳ ⵓⵎⴰⴹⴰⵍ ⵙ ⵓⵣⴷⴷⵓⵢ ⴰⴽⴷ ⵜⵎⵔⵙⵍⵜ ⵏ ⵡⵉⴽⵉⵎⵉⴷⵢⴰ ⵜⴰⵎⴰⴹⵍⴰⵏⵜ ⴷ ⵙ ⵓⵎⵢⴰⵡⴰⵙ ⴰⴽⴷ ⵉⵎⵅⴰⵙⵏ ⵏ ⵓⵙⴰⵎⵓ ⵏ ⵡⵉⴽⵉⴱⵉⴷⵉⵢⴰ ⵙⴳ ⵓⵎⴰⴹⴰⵍ.
ⵉⵡⴰⵜⵜⵙ ⵓⵎⵣⵉⵣⵡⵔ ⵏ » ⵡⵉⴽⵉ ⴷⴰ ⵜⵜⵅⵙ ⵉⴷⵔⵉⵣⵏ » ⴰⴷ ⵜⵙⴳⵔ ⵜⵉⴼⴰⵡⵜ ⵅⴼ ⵡⴰⵏⵙⴰⵜⵏ ⵏ ⵡⴰⵢⴷⴰ ⴷ ⵉⴷⵔⵉⴻⵏ ⴳ ⵉⵡⴰⵏⴽⵏ ⵏⵏⴰ ⵉⴷⵔⴰⵏ, ⴷ ⵓⵙⵙⵔⵇⴱ ⵏ ⵉⵡⴷⴰⵏ ⵅⴼ ⵢⵉⵎⵉⵥ ⵏ ⵜⵡⵍⴰⴼⵉⵏ ⵉ ⵉⴷⵔⵉⵣⵏ ⴰⴷ ⴷ ⵓⵣⵓⵣⵣⵔ ⵏⵏⵙⵏⵜ ⴷⴷⵓ ⵜⵓⵔⴰⴳⵜ ⵜⵉⵍⴻⵍⵍⵉⵜ ⴳ ⵍⵉⵏⵟⵉⵕⵏⵉⵜ, ⵃⵎⴰ ⴰⴷ ⴳⵉⵏⵜ ⵉ ⵓⵙⵡⵓⵔⵉ ⵓⵔ ⴷ ⵖⴰⵙ ⴳ ⵓⵙⴰⵎⵓ ⵏ ⵡⵉⴽⵉⴱⵉⴷⵢⴰ ⵎⴰⵛⴰ ⴳ ⵉⴷⵖⴰⵔⵏ ⴰⴽⴽⵯ ⴷ ⵉ ⴽⵓ ⵢⴰⵏ. ⵉⴳ ⵜⴰⵎⵍⴷⴰ ⵉⴳⴰⵏ ⵡⴰⵥ ⵉ ⵉⵎⵙⵙⵓⵍⴼⵏ, ⵉⵎⵣⵓⵣⵣⵍⵏ ⵓⵍⴰ ⵉⵎⴰⵙⵡⴰⴹⵏ, ⵃⵎⴰ ⴰⴷ ⴼⵙⵔⵏ ⵜⵉⵏⴼⴽⵉⵜⵉⵏ ⴷ ⵉⵙⵏⴼⵍⵓⵍⵏ ⵏⵏⵙⵏ ⴳ ⵓⵙⵡⵉⵔ ⴰⵎⴰⴹⵍⴰⵏ.
ⵜⵓⵛⴽⴰ ⴷ ⵜⴷⵔⴰⵡⵜ ⵏ ⵍⵎⵖⵔⵉⴱ ⴳ ⵓⵎⵓⵙⵙⵓ ⴰⴷ ⴰⴷⵍⵙⴰⵏ ⴰⵎⴰⴹⵍⴰⵏ, ⵙ ⵓⵙⵏⵎⴰⵍⴰ ⵙⴳ ⴷⴰⵔ ⵓⴳⵔⴰⵡ ⵏ ⵡⵉⴽⵉⵎⵉⴷⵢⴰ ⵏ ⵍⵎⵖⵔⵉⴱ, ⵏⵜⵜⴰ ⴷ ⵢⴰⵏ ⵓⴳⵔⴰⵡ ⵓⵖⵥⵉⵏ ⵙ ⵜⵡⵉⵍⴰ ⵜⴰⵎⴰⴷⴷⵓⴷⵜ ⵙⴳ ⴷⴰⵔ ⵡⵉⴽⵉⴱⵉⴷⵢⴰ ⵉⵜⵜⵉⵡⵙⵙⴰⵏⵏ. ⵙ ⵎⴰⴷ ⴷ ⵉⵡⵉⵏ ⵉⵎⵣⴷⴰⵢⵏ ⵏ ⵓⵎⵣⵉⵣⵡⵔ ⴳ ⵍⵎⵖⵔⵉⴱ, ⵜⴰⴷⵔⴰⵡⵜ ⵔⴰⴷ ⵜⵕⵥⵎ ⴳ ⵓⵎⵏⵉⴷ ⵏ ⴽⵓ ⵢⴰⵏ, ⵉⵎⵣⵓⵣⵣⵍⵏ ⵓⵍⴰ ⵉⵎⴰⵙⵡⴰⴹⵏ ⵏ ⵓⵙⵙⵓⵍⴼ, ⴳ ⵜⵉⵣⵉ ⵜⴰⵣⴳⵔⴰⵔⵜ ⵙⴳ 15 ⵛⵓⵜⴰⵏⴱⵉⵔ ⴰⵔ 15 ⴽⵟⵓⴱⵕ 2024.
ⵜⵓⵎⴰ ⵜⵍⴳⴰⵎⵜ ⵏ ⵉⴷⵔⵉⵣⵏ ⵉⵎⵖⵔⴰⵜⵏ ⴳ ⵍⵎⵖⵔⵉⴱ, ⵏⵏⴰ ⵎⵉ ⵉⵜⵜⵓⵣⵎⴰⵔ ⵓⵙⵙⵓⵍⴼ ⵏⵏⵙⵏ, ⴷ ⵜⴷⵔⴰⵡⵜ ⵙⵉⵙⵏ ⴳ ⵓⵎⵣⵉⵣⵡⵔ, ⵜⵓⵚⴽⵉⵡⵉⵏ ⴷ ⵉⴷⵔⵉⵣⵏ ⵉⵜⵜⵓⴼⵔⴰⴳⵏ ⴷ ⵡⴰⵏⵙⴰⵜⵏ ⵉⵎⴰⵍⵍⴰⵢⵏ ⵉⵜⵜⵢⴰⵡⵙⵜⴰⵢⵏ ⴳ ⵓⵙⵡⵉⵔ ⴰⵏⴰⵎⵓⵔ.
ⵉⴽⵛⵎ ⵓⵎⵣⵉⵣⵡⵔ ⴰⴷ ⴳ ⵓⵙⴰⵜⵉ ⵏ ⵜⵓⴳⴳⴰⵙ ⵏ ⵓⴳⵔⴰⵡ ⵏ ⵡⵉⴽⵉⵎⵉⴷⵢⴰ ⵏ ⵍⵎⵖⵔⵉⴱ ⵉ ⵓⵙⵙⵔⵇⴱ ⵏ ⵓⴳⴷⵓⴷ ⵅⴼ ⵜⴷⵔⴰⵡⵜ ⴳ ⵓⵏⵜⴰⵎ ⵏ ⵉⴷⵔⵉⵣⵏ ⵉⵎⵣⵔⴰⵢⵏ ⴷ ⵡⵉⵏ ⵡⴰⵢⴷⴰ ⵏ ⵜⴳⵍⴷⵉⵜ, ⴷ ⵓⵙⵎⴰⵏⴰⵔ ⵏⵏⵙⵏ ⵙⴳ ⵜⵕⵉⵕⴹⵉⵏ ⵏ ⵉⵙⵓⵎⴰ ⵉⵏⵊⵎⵓⵜⵏ ⵉⵎⵣⴹⵍⴰⵏⵏ. ⵙⴳ ⵜⵙⵏⵜⴰⵢⵜ ⴰⴷ ⵜⵡⴰⵜⵜⵙ ⵡⵉⴽⵉⵎⵉⴷⵢⴰ ⵏ ⵍⵎⵖⵔⵉⴱ ⴰⴷ ⵜⵙⵙⴷⵓⵙ ⵜⴰⵍⵍ ⴰⵙⵡⵉⵔ ⵏ ⵓⴼⵔⴰⴽ ⵙ ⵜⵉⵏⴷⵉ ⵏ ⵡⴰⵢⴷⴰ ⴰⴷⵍⵙⴰⵏ ⴰⵎⵖⵔⵉⴱⵉ ⴷ ⵓⴹⴰⴽⴰⵍ ⵏ ⵓⴼⵔⴰⴳ ⵏⵏⵙ ⵉ ⵜⴰⵙⵓⵜⵉⵏ ⴷ ⵉⴷⴷⴰⵏ, ⴷ ⵜⵉⴽⴽⵉ ⵏ ⵜⵓⵙⵙⵏⴰ ⵉ ⴽⵓ ⵢⴰⵏ ⵙⴳ ⴰⵏⵜⵉⵕⵏⵉⵜ.
ⵔⴰⴷ ⵉⵜⵜⵓⵙⴽⴰⵔ ⵓⵎⵣⵉⵣⵡⵔ ⴳ ⵡⴰⵏⵙⴰ ⵏ ⵡⵉⴽⵉⵎⵉⴷⵢⴰ ⴽⵓⵎⵏⵣ, ⴷ ⵔⴰⴷ ⵜⵜⵓⴼⴽⴰⵏⵜ ⵜⵙⵎⵖⵓⵔⵉⵏ ⵉⵍⴰⵏ ⴰⵜⵉⴳ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵔⴰⴷ ⵓⵍⵉⵏⵜ 10 ⵜⵡⵍⴰⴼⵉⵏ ⴳ ⵓⵙⵡⵉⵔ ⴰⵏⴰⵎⵓⵔ ⴰⴷ ⵙⵎⴷⵢⴰⵏⵜ ⵍⵎⵖⵔⵉⴱ ⴳ ⵉⵙⵉⵜⵜⵉⵜⵏ ⵉⵎⴳⴳⵓⵔⴰ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴷ ⴰⵔ ⵜⵜⵎⵃⵉⵣⵡⴰⵔⵏⵜ ⵅⴼ ⵜⵙⴽⴼⵍⵉⵏ ⵜⵉⵎⵣⵡⵓⵔⴰ ⴳ ⵓⵙⵡⵉⵔ ⴰⵎⴰⴹⵍⴰⵏ. ⵎⴽⵍⵍⵉ ⵜⵜⵓⵥⵍⴰⵢⵏⵜ ⵜⵙⵎⵖⵓⵔⵉⵏ ⵉ ⵜⵡⵍⴰⴼⵉⵏ ⵜⵉⵎⵓⴼⴰⵢⵉⵏ ⵉⵜⵜⵓⵙⴽⴰⵔⵏ ⵉ ⵡⴰⵢⴷⴰ ⴰⴽⵎⴰⵎ ⴷ ⵡⴰⵔⴽⵎⴰⵎ ⵉ ⵉⵥⵏⴰⴳⵏ ⵉⵎⵖⵔⴰⴱⵉⵢⵏ.
ⵙ ⵜⵎⵔⵏⵉⵡⵜ ⵏ ⵜⵙⵎⵖⵓⵔⵉⵏ, ⵜⴳⴰ ⵜⴷⵔⴰⵡⵜ ⴳ ⵓⵎⵣⵉⵣⵡⵔ ⴰⴷ ⵢⴰⵏ ⵓⵙⵓⵍⴼ ⵉⵥⵍⵉⵏ ⵙ ⵓⵙⵉⵙⵏ ⵙ ⵉⴷⵔⵉⵣⵏ ⵉⵎⵣⵔⴰⵢⵏ ⵏ ⵍⵎⵖⵔⵉⴱ ⴷ ⵓⵙⵎⴰⵏⴰⵔ ⵏ ⵜⵛⵓⵏⵉ ⵏⵏⵙ ⴷ ⵜⵉⵏⴷⵉ ⵏⵏⵙ ⵜⴰⴷⵍⵙⴰⵏⵜ ⵎⵏⵉⴷ ⵏ ⵓⵎⴰⴹⴰⵍ. ⵙⴳ ⵜⵡⵍⴰⴼⵉⵏ ⵏⵏⴰ ⵔⴰⴷ ⵉⵜⵜⵢⴰⵎⴰⵥ ⵢⵉⵍⵉ ⵓⵣⵓⵣⵣⵔ ⵏⵏⵙⵏⵜ.
ⵉ ⵜⴷⵔⴰⵡⵜ ⴳ ⵓⵎⵣⵉⵣⵡⵔ ⴳ ⵍⵎⵖⵔⵉⴱ ⴷ ⵓⵙⵙⴰⴳⴳⵯ ⵅⴼ ⵉⴼⵔⵓⵔⵉⵜⵏ ⴷ ⵜⵍⴳⴰⵎⵉⵏ ⵏ ⵉⴷⵔⵉⵣⵏ ⵉⵜⵜⵢⴰⵡⵙⵜⴰⵢⵏ, ⵉⵜⵜⵓⵣⵎⴰⵔ ⵓⵔⵣⴰⴼ ⵏ ⵜⵙⵏⴰ ⵏ ⵓⵎⵣⵉⵣⵡⵔ:
https://commons.wikimedia.org/wiki/Commons:Wiki_Loves_Monuments_2024_in_Morocco
ⵉ ⵉⵙⵇⵙⵉⵜⵏ ⵢⴰⴹⵏ, ⵉⵜⵜⵓⵣⵎⴰⵔ ⵓⵏⵢⴰⵍⴽⴰⵎ ⴰⴽⴷ ⵜⵔⴰⴱⴱⵓⵜ ⵏ ⵓⵙⵏⵎⴰⵍⴰ ⵏ ⵓⵎⵣⵉⵣⵡⵔ ⴳ ⵍⵎⵖⵔⵉⴱ ⵙⴳ ⵡⴰⵏⵙⴰ ⴰⵍⵉⴽⵟⵕⵓⵏⵉ:
contact@wikimorocco.org
ⵎⴽⵍⵍⵉ ⵉⵜⵜⵓⵣⵎⴰⵔ ⵓⴹⴼⵓⵕ ⵏ ⵜⵎⴰⵢⵓⵏⵉⵜⵏ ⵜⵉⵎⴳⴳⵓⵔⴰ ⴷ ⵉⵏⵖⵎⵉⵙⵏ ⵏ ⵓⵎⵣⵉⵣⵡⵔ ⴳ ⵍⵎⵖⵔⵉⴱ ⵙⴳ ⵜⴰⵙⵏⵉⵡⵉⵏ ⵏ ⵓⴳⵔⴰⵡ ⵏ ⵡⵉⴽⵉⵎⵉⴷⵢⴰ ⵏ ⵍⵎⵖⵔⵉⴱ ⵙⴳ ⵡⴰⵏⵙⵉⵡⵏ ⵏ ⵓⵏⵢⴰⵍⴽⴰⵎ ⴰⵏⴰⵎⵓⵏ:
* ⴰⴼⵉⵙⴱⵓⴽ:
https://www.facebook.com/WikimediaMAUserGroup
* ⵜⵡⵉⵜⵔ:
* ⴰⵏⵙⵜⴰⴳⵕⴰⵎ:
