ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵎⴰ ⵉⴳⴰⵏ ⵥⵥⵀⴰⵢⵎⵔ?
ⵉⴳⴰ ⵥⵥⵀⴰⵢⵎⵔ ⵢⵓⵏ ⵓⵖⵏⵛⴰ ⵏⵏⴰ ⵉⵙⵙⵉⵖⵏ ⴰⵏⵍⵉ ⵏ ⵓⴼⴳⴰⵏ.
ⵍⴰ ⵏⵜⵜⵉⵏⵉ ⵎⴰⵙ ⴰⵏⵍⵉ ⵉⴳⴰ ⴰⵎ ⵜⴰⵍⵉⵜⵛⵉⵏⵜ, ⵜⵍⵍⴰ ⵜⴼⵔⴽⵉⵜ ⴷ ⵎⴰ ⴳⵍⵍⴰⵏ ⴷⵉⵙ.
ⵜⵉⴼⵔⴽⵉⵜ ⵏ ⵡⴰⵏⵍⵉ ⵍⴰ ⵜⵜⵙⴷⵉⴷ ⵉⵎⵉⴽ ⵙ ⵉⵎⵉⴽ. ⵍⴰ ⵉⵙⵙⵏⵜⴰⵢ ⵓⵖⵏⵛⴰ ⵢⴰ ⵖⴰⵎⵎⴰⵙ ⵏ ⵜⵎⵏⴰⴹⵜ ⵏ ⵜⵎⴽⵜⵉⵜ, ⴷⴰⵢ ⵍⴰ ⵉⵜⵣⵓⵣⵣⵔ ⵅⴼ ⵡⴰⵏⵍⵉ ⵇⴰⵃ. ⴹⴰⵔⴰⵜ ⵏ ⵜⵓⴳⵜ ⵏ ⵓⵙⴳⴳⵓⵙⴰ, ⵍⴰ ⵉⵜⵜⵎⵥⵥⵉ ⵡⴰⵏⵍⵉ.
ⵎⵎⴰⵅ ⵍⴰ ⵉⵜⵜⵓⵙⵙⵉⵖ ⵡⴰⵏⵍⵉ ⵙ ⵓⵖⵏⵛⴰ ⵢⴰ ?
ⵓⵔ ⵏⵙⵙⵏ ⵙ ⵜⵉⴷⵜ ⵎⵎⴰⵅ ⴰⵍⵉⴳ ⵜⵓⵙⵙⵉⵖⵏ ⵎⵉⴷⴷⵏ ⵙ ⵓⵖⵏⵛⴰ ⵢⴰ, ⵎⴰⵛⴰ ⵏⵙⵙⵏ ⵎⴰⵙ ⵉⵖⵏⵛⴰ ⵢⴰ ⵍⴰ ⵉⵟⵟⴰⵎⵥ ⵎⵉⴷⴷⵏ ⵎⵇⵇⵓⵔⵏ ⵅⴼ 60 ⵏ ⵓⵙⴳⴳⵓⵙⴰ,ⵉⵎⵓⴹⴰⵏ ⵏ ⵟⵟⴰⵏⵚⵢⵓ, ⵓⵙⴽⴽⴰⵕ, ⴽⵓⵍⵉⵙⵜⵉⵕⵓⵍ…
ⵎⴰ ⴳⴰⵏ ⵜⵉⵎⵉⵜⴰⵔ ⵏ ⵓⵖⵏⵛⴰ ⵢⴰ ?
ⵜⵉⵎⵉⵜⴰⵔ ⵉⵎⵣⵡⵓⵔⴰ :
ⴳ ⵓⵎⵣⵡⴰⵔⵓ: ⴰⵎⴰⴹⵓⵏ ⵏ ⵥⵥⵀⴰⵢⵎⵔ ⵍⴰ ⵜⴻⵜⵜⵓ ⵎⴰⵏⵉⴳ ⵉⵙⵙⵔⵙ :
- ⵜⵉⵖⵔⴰⴹ ⵏⵏⵙ.
- ⵉⵄⴱⴰⵏ ⵏⵏⵙ.
- ⵍⴰ ⵉⵜⴻⵜⵜⵓ ⵉⵣⵎⴰⵣ ⵏ ⵜⵥⴰⵍⵍⵉⵜ.
- ⴰⵙⵉⴹⵏ (ⵍⴻⵃⵙⴰⴱ) ⵏ ⵉⵇⴰⵔⵉⴹⵏ.
- ⵉⵊⵍⵍⵓ ⴳ ⴱⵔⵔⴰ, ⵍⴰ ⵜⴻⵜⵜⵓ ⵉⴱⵔⴷⴰⵏ, ⵉⴷⵖⴰⵔⵏ
ⵎⴰ ⴳⴰⵏ ⵜⵉⵎⵉⵜⴰⵔ ⵉⵏⴳⴳⵯⵓⵔⴰ?
ⴳ ⵓⵏⴳⴳⵯⴰⵔⵓ:
ⴰⵎⴰⴹⵓⵏ ⵏ ⵥⵥⵀⴰⵢⵎⵔ ⵍⴰ ⵉⵜⵜⵉⵖⵉ ⴰⴷ ⵉⵜⵜⵓ ⴰⵔⵔⴰⵡ ⵏⵏⵙ, ⵉⵙⵎⴰⵡⵏ ⵏⵏⵙⵏ. ⵉⵛⵇⵇⴰ ⵛⵉⴳⴰⵏ ⴰⴷ ⵏⵜⵜⵓ ⴰⵢⵜ ⵓⵅⴰⵎ : ⵜⴰⵎⵖⴰⵔⵜ ⵏⵖⴷ ⴰⵔⴳⴰⴷ ⵏⵖⴷ ⵜⴰⵔⵡⴰ ⵏⵏⵅ.
- ⵍⴰ ⵉⵜⴻⵜⵜⵓ ⵉⵙ ⵉⵜⵛⴰ ⵏⵖⴷ ⵍⴰⵡⴰⵀ.
- ⵓⵔ ⵉⵜⵜⵉⵖⵉ ⴰⴷ ⵉⴷⴷⵓ ⵉ ⵜⴰⵔⴷⴰ ⵏⵖⴷ “ⵟⵡⴰⵍⵉⵟ” ⵙ ⵉⵅⴼ ⵏⵏⵙ.
- ⵍⴰ ⵉⵙⵖⵓⵢⵢⵓ, ⵍⴰ ⵉⵜⵎⵎⴰⵖ
- ⵍⴰ ⵉⵜⵜⵟⵟⵚ ⴳ ⵜⵉⴼⴰⵡⵜ, ⵍⴰ ⵉⵜⵜⴽⴽⵔ ⴳ ⵉⴹ.
- ⵍⴰ ⵉⵍⵙⵙⴰ ⵉⵣⴰⴼⴰⵍⵏ ⵏⵖⴷ “ⵍⵉⴽⵓⵛ”.
- ⵍⴰ ⵉⵜⵜⵖⵉⵎⴰ ⴰⵍⵉⴹ ⴳ ⵡⴰⵏⵙⴰ ⵏⵏⵙ.
ⵎⴰ ⵉⵜⵜⴳ ⵓⴹⴱⵉⴱ ⵃⵎⴰ ⴰⴷ ⵢⴰⴼ ⴰⴽⴰⵣ ⵏ ⵓⵖⵏⵛⴰ ⵢⴰ ?
ⵉⵍⵍⴰ
ⴰⵣⵔⴰⵢ ⵏ ⵉⵥⵏⵥⴰⵔⵏ : “ⵍⵉⵕⵎ” ⴷ “ⵚⵚⴽⴰⵏⵉⵔ”. ⵍⴰ ⵙⵙⴼⵔⵓⵏ ⵜⵉⵎⵉⵜⴰⵔ ⵏ ⵓⵙⵙⵉⵖ ⵏ ⵜⵎⵏⴰⵟⵜ ⵏ ⵜⵎⴽⵜⵉⵜ ⵏⵖⴷ ⵜⴼⴻⵔⴽⵉⵜ ⵏ ⵡⴰⵏⵍⵉ ⵏⵖⴷ ⵡⴰⵏⵍⵉ ⵇⴰⵃ.
ⵍⴰ ⵉⵜⵜⵉⵖⵉ ⵓⴹⴱⵉⴱ ⵏ ⵉⵥⵏⵥⴰⵔⵏ ⴰⴷ ⵢⴰⴼ ⵜⵉⵎⵉⵜⴰⵔ ⵏ ⵓⵖⵏⵛⴰ ⵢⴰⴹⵏ ⴰⵎ ⵉⴷⴰⵎⵎⵏ, ⵜⴰⴳⵔⵎⴰⵏⵜ, ⵜⴰⵃⴱⴱⵓⵢⵜ…
- ⴰⵣⵔⴰⵢ ⵏ ⵉⴷⴰⵎⵎⵏ : ⴰⵎ “ⴼⵉⵜⴰⵎⵉⵏ ⴱ12”, ⴰⵣⵔⴰⵢ ⵏ ⵜⵡⵍⵙⵉⵙⵜ ⵜⴰⴼⵔⵜⵟⵟⵓⵜ TSH, ⵏⵡⵡⴰⵕ TPHA VDRL…ⵎⴰⵛⴰ ⵇⴰⵃ ⵉⵣⵔⴰⵢⵏ ⴰⴷ ⵥⵉⵍⵏ ⴰⵡⴷ ⵉ ⵉⵎⵓⴹⴰⵏ ⵏ ⵥⵥⵀⴰⵢⵎⵔ.
- ⴰⵣⵔⴰⵢ ⵏ ⵡⴰⵎⴰⵏ ⵏ ⵡⴰⵏⵍⵉ. ⵏⵜⵜⵉⵖⵉ ⴰ ⵏⴽⴽⵙ ⵉⵎⵉⵇ ⵏ ⵡⴰⵎⴰⵏ ⵏ ⵡⴰⵏⵍⵉ ⵙ ⵜⵙⴰⵔⵓⵜ ⵏ ⵜⴷⴰⵡⵜ ⵃⵎⴰ ⴰⴷ ⵏⵙⵙⵉⴼⴹ ⵉⵜ ⵉ ⵓⴹⴱⵉⴱ ⴰⴱⵢⵓⵍⵓⵊⵉ. ⵉⵜⵜⵉⵖⵉ ⵓⵣⵔⴰⵢ ⴰ ⴰⴷ ⵉⵙⵙⴼⵔⵓ ⴰⴽⴰⵣ ⵏ ⵓⵖⵏⵛⴰ ⵏ ⵥⵥⵀⴰⵢⵎⵔ.
ⵎⴰ ⴳⴰⵏ ⵉⵙⴰⴼⴰⵔⵏ ⵏ ⵓⵖⵏⵛⴰ ⵢⴰ ?
ⵓⵔ ⵉⵍⵍⵉ ⵓⵙⴰⴼⴰⵔ ⵉⵜⵜⵉⵖⵉⵏ ⴰⴷ ⵉⵙⴱⴷⴷ ⵉⵖⵏⵛⴰ ⵢⴰ, ⵎⴰⵛⴰ ⵍⵍⴰⵏ ⵉⵙⴰⴼⴰⵔⵏ ⵜⵜⵉⵖⵉⵏ ⴰⴷ ⵙⵄⵟⵟⵔⵏ ⵉⵖⵏⵛⴰ ⵢⴰ, ⴰⴷ ⴼⵙⵙⵓⵙⵏ ⵜⵉⵎⵉⵜⴰⵔ ⵅⴼ ⵉⵎⵓⴹⴰⵏ. ⵍⴰ ⵜⵜⴰⵡⵙⵏ ⵛⵉⴳⴰⵏ ⵉⵎⵓⴹⴰⵏ ⴷ ⵜⴰⵡⵊⴰ ⵏⵏⵙⵏ. ⵙ ⵜⵉⴷⵜ ⵉⵛⵇⵇⴰ ⵓⵖⵏⵛⴰ ⵢⴰ ⵅⴼ ⵉⵎⵓⴹⴰⵏ ⴷ ⵜⴰⵡⵊⴰ ⵏⵏⵙⵏ
ⵉⵅⵚⵚⴰ ⴰⴷ ⵓⵔ ⵏⵜⵜⵓ ⵜⴰⵏⴰⴼⵓⵜ ⵏ:
- ⵜⵓⵏⵏⵓⵏⵜ
- ⵜⴰⵡⴰⴷⴰ ⵏⵖⴷ ⴰⵏⵢⵓⴷⴷⵓ
- ⴰⵎⵓⵙⵙⵓ ⵏⵖⴷ ⵜⵉⵍⴰⵍⵜ ⵏ ⵡⴰⵏⵍⵉ ⴰⵎ ⵜⵉⵖⵔⵉ, ⵜⵉⵔⴰⵔ ⴰⵎ “ⴹⴰⵎⴰ”, “ⵛⵛⵟⵔⴰⵏⵊ”, “ⵍⴰⵏⵜⵉⵔⵏⵉⵜ”..
