ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⵉⵙⵏⵎⴰⵍⴰ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵙⵉⵏⴰⵙ 18 ⴽⵟⵓⴱⵕ, ⵙ ⵜⵉⵍⵉⵜ ⵏ ⵎⴰⵙⵙ ⵖⵉⵜⴰ ⵎⵣⵣⵓⵔ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⴰⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⴷ ⵎⴰⵙⵙⴰ ⴰⵎⵉⵏ ⴱⵏ ⵛⵛⵉⵅ ⵜⴰⵎⵛⵛⵉⵡⵕⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴷⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⴷⴰⵡ ⴰⵎⴰⵣⵉⵖ, ⵢⴰⵏ ⵓⵏⵎⵓⵇⵇⴰⵔ ⴷ ⵎⵏⵏⴰⵡ ⵉⵎⵙⵜⴳⴳⴰⵔⵏ ⵏ ⵜⵎⴰⵣⵉⵖⵜ ⵖ ⵉⵍⵍⴰ ⵓⵎⴹⴰⴽⴰⵕ ⵏ ⵜⵎⵓⴽⵔⵉⵙⵉⵏ ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ ⴷⴰⵜ ⵏ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ.
ⴰⵏⵎⵓⵇⵇⴰⵔ ⴰⴷ ⵉⵖⵔⴰ ⵙⵔⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵥⵍⵉ ⵉ ⵓⵎⴹⴰⴽⴰⵕ ⵏ ⵜⵙⵜⵔⴰⵜⵉⵊⵉⵜ ⵏ ⵜⵏⴱⴰⴹⵜ ⴳ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ ⴳ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵓⵙⵙⴼⵍⴷ ⵉ ⵜⴰⵏⵏⴰⵢⵢⵉⵏ ⵏ ⵉⵎⵙⵜⴳⴳⴰⵔⵏ ⵃⴰⴹⵕⵏⵉⵏ ⵅⴼ ⵓⵙⵎⵔⵙⵍ ⵏ ⵓⵙⵉⵥⴹⵔ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⵢⵉⵏⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⴼⵔⵜ ⵏⵏⵙ ⴳ ⵉⵎⵉⵙⵙ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵎⴰⵙ ⵔⴰⴷ ⴹⴼⵕⵏ ⵉⵏⵎⵓⵇⵇⴰⵔⵏ ⵢⴰⴹⵏⵉⵏ ⵜⴰⵙⵎⵓⵏⵉ ⴰⴷ, ⴰⴽⴷ ⵎⴰⵕⵕⴰ ⵉⴳⵔⴰⵏ ⵓⵏⴱⵉⴹⵏ ⵍⵍⵉ ⵉⵀⵎⵎⴰ ⵓⵙⴰⵡⵓⵔ ⴰⴷ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵢⵉⵍⵉ ⵓⵙⴽⵔ ⵏ ⵎⴰⵕⵕⴰ ⵎⴰⴷ ⵢⵉⵡⵉ ⵓⵖⴰⵡⴰⵙ ⵓⵏⴱⵉⴹ ⴳ ⵎⴰⴷ ⵉⵥⵍⵉⵏ ⵙ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ, ⵙ ⵢⴰⵜ ⵜⵖⴰⵔⴰⵙⵜ ⵉⴳⴰⵏ ⵜⴰⵎⴷⵔⴰⵡⵜ ⴰⴽⴷ ⵉⵎⵙⴽⴰⵔⵏ ⵉⵎⴰⵣⵉⵖⵏ ⵙ ⵉⵎⵉⵥ ⵏ ⵜⴰⵏⵏⴰⵢⵢⵉⵏ ⵏⵏⵙⵏ ⵍⵍⴰⵏⵉⵏ ⴳ ⵓⵎⵏⵉⴷ ⵏ ⵓⵙⵎⵖⵔ ⵏ ⵜⴷⵍⵙⴰ ⵜⴰⵏⴰⵎⵓⵔⵜ ⴷ ⵜⴷⵍⵙⴰ ⵜⴰⵎⵣⵉⵖⵜ.
ⵖⵎⴽ ⵍⵍⵉ ⵉⵙⴷⴷⵉⴷ ⵓⵏⵙⵙⵉⵅⴼ ⵜⵏⴱⴰⴹⵜ ⵎⴰⵙ ⵔⴰⴷ ⵜⵙⴽⵔⵜ ⵜⵏⴱⴰⵟ ⴰⵢⵍⵍⵉ ⵉⵥⵍⵉⵏ ⵙ ⵜⵎⴰⵣⵉⵖⵜ ⴳ ⵓⵖⴰⵡⴰⵙ ⵓⵏⴱⵉⴹ, ⴷ ⵎⴰⵙ ⵔⴰⴷ ⵜⵣⵣⵉⴳⵣ ⵜⵎⵙⴰⵙⵜⵍⵜ ⵉⵥⵍⵉⵏ ⵙ ⵜⵎⴰⵣⵉⵖⵜ ⴰⵔ 300 ⵎⵍⵢⵓⵏ ⵏ ⴷⵔⵀⵎ ⴳ 2023, ⴰⵔ ⴽⵉⵖ ⵜⵍⴽⵎ ⵎⵍⵢⴰⵕ ⴷⵔⵀⵎ ⴳ ⵜⴳⵉⵔⴰ ⵏ ⵜⵡⴰⵍⴰ ⵏⵏⵙ ⵎⴽ ⵍⵍⵉ ⵏⵉⵜ ⵉⵍⵍⴰⵏ ⴳ ⵓⵖⴰⵡⴰⵙ ⵓⵏⴱⵉⴹ.
