ⴰⵎⴰⴹⴰⵍ ⴰⵎⴰⵣⵉⵖ ⵉⵍⵙ ⵏ ⵉⵎⴰⵣⵉⵖⵏ
ⴰⵙⵙ ⴰⵎⴰⴹⵍⴰⵏ ⵏ ⵓⵙⵓⵖⵍ ⵢⴰⵏ ⵓⵣⵎⵣⵣⵓ ⵙ ⴰⵔ ⵉⵙⴼⵓⴳⵍⵓ ⵓⵎⴰⴹⴰⵍ ⴽⵓ ⴰⵙⴳⴳⵯⴰⵙ ⴳ 30 ⵛⵓⵜⴰⵏⴱⵉⵔ ⴳ ⵡⴰⵎⵓⴷ ⵏ ⵓⴳⵔⵔⴰⵎ ⵏ ⵉⵕⵓⵎⵉⵢⵏ ⵊⵉⵕⵓⵎ, ⴰⵎⵙⵙⵓⵖⵍ ⵏ ⵓⴷⵍⵉⵙ ⴰⴼⵓⵥⴰⵕ ⵏⵏⴰ ⵉⴳⴰⵏ ⴰⴳⵔⵔⴰⵎ ⵏ ⵉⵎⵙⵙⵓⵖⵍⵏ. ⵢⵉⵡⵣ ⵅⴼ ⵓⵣⵎⵣⵣⵓ ⴰⴷ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵙⵓⵖⵍⵏ ⵏⵏⴰ ⵉⵙⵔⵙⵏ ⵜⵉⵔⵙⴰⵍ ⵏⵏⵙ ⴳ ⵓⵙⴳⴳⵯⴰⵙ 1953. ⴳ 1991 ⵜⵕⵥⵎ ⵜⵎⵓⵏⵜ ⵉ ⵜⵡⵏⴳⵉⵎⵜ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⵓⵖⵍ ⴰⵎ ⵡⴰⵙⵙ ⵉⵜⵜⵓⵙⵙⴰⵏⵏ ⵉⴳ ⴰⵎⴰⴷⴷⵓⴷ, ⴰⴼⴰⴷ ⴰⴷ ⵉⴼⴰⵡ ⵓⵎⵢⴰⵡⴰⵙ ⵏ ⵉⵎⵙⵙⵓⵖⵍⵏ ⴳ ⵜⵙⴳⴳⵉⵡⵉⵏ ⴰⴽⴽⵯ ⵏ ⵓⵎⴰⴹⴰⵍ ⴷ ⵓⵙⴷⵓⵙ ⵏ ⵜⴰⵣⵣⵓⵍⵜ ⵏ ⵓⵙⵓⵖⵍ ⴳ ⵉⵡⴰⵏⴽⵏ ⵥⵍⵉⵏⵉⵏ.
ⵜⴳⴰ ⵜⴼⵓⴳⵍⴰ ⴰⴷ ⴰⵙⵓⵍⴼ ⵉ ⵓⴼⵙⴰⵔ ⵏ ⵜⴱⵖⵓⵔⵉⵏ ⵜⴰⵣⵣⵓⵍⵜ ⴰⴷ ⵏⵏⴰ ⵎⵉ ⵉⵜⵜⵔⵏⵓ ⵡⴰⵜⵉⴳ ⵏⵏⵙ ⴰⵙⵙ ⵙ ⵡⴰⵙⵙ ⴳ ⵓⵣⵎⵣ ⵏ ⵜⵙⵎⴰⴹⴰⵍⵜ. ⵙ ⵓⵎⵢⴰⴽⵓⴷ ⴷ ⵓⵙⴼⵓⴳⵍⵓ ⵙ ⵓⵙⴳⴳⵯⴰⵙ ⵏ 2019 ⴷⴷⵓ ⵏ ⵢⵉⵙⵎ ⵏ ⵓⵙⴳⴳⵯⴰⵙ ⴰⵎⴰⴹⵍⴰⵏ ⵏ ⵜⵓⵜⵍⴰⵢⵉⵏ ⵏ ⵉⵎⵣⴷⴰⵖⵏ ⵉⵥⵖⵓⵕⴰⵏⵏ, ⵉⴽⴽⴰ ⵜⵜ ⵉⵏⵏ ⵓⵙⵏⵜⵍ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⵓⵖⵍ ⵏ ⵓⵙⴳⴳⵯⴰⵙ 2019 ⴷ « ⴰⵙⵓⵖⵍ ⴷ ⵜⵓⵜⵍⴰⵢⵉⵏ ⵏ ⵉⵎⵣⴷⴰⵖⵏ ⵉⵥⵖⵓⵕⴰⵏⵏ ».
ⵉⵙⵖⵣⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⴳ 24 ⵎⴰⵢⵢⵓ 2017 ⵅⴼ ⵜⵖⵜⴰⵙⵜ ⵏⵏⴰ ⵉⵙⵎⴰⵍⵏ 30 ⵛⵓⵜⴰⵏⴱⵉⵔ ⴷ ⴰⵙⵙ ⴰⵎⴰⴹⵍⴰⵏ ⵏ ⵓⵙⵓⵖⵍ, ⵉⴳ ⵢⴰⵜ ⵜⵖⵜⴰⵙⵜ ⵏ ⵓⵙⵉⵜⴳ ⵙ ⵜⵎⵍⴰⵍⵜ ⵏ ⵓⵙⵓⵖⵍ ⴰⵣⵣⵓⵍⴰⵏ ⴳ ⵓⵣⴷⴰⵢ ⴳⵔ ⵜⵎⵜⵜⴰ.
ⵙⴳⵎⴹⵏ ⵅⴼ ⵜⵏⴼⵓⵍⵜ ⵜⴰⵎⵣⵡⴰⵔⵓⵜ ⵏ ⵜⵖⵜⴰⵙⵜ A/71/L.68 ⵢⴰⵏ ⴷ ⵎⵔⴰⵡ ⵏ ⵓⵡⴰⵏⴽ: ⴰⴷⵔⵉⴱⵉⴷⵊⴰⵏ, ⴱⵉⵏⴳⵍⴰⴷⵉⵛ, ⵜⴰⵔⴽⴰⵎⴰⵏⵉⵙⵜⴰⵏ, ⴽⵓⵙⵜⴰⵔⵉⴽⴰ, ⴽⵓⴱⴰ, ⵉⴽⵡⴰⴷⵓⵔ, ⴱⵉⵍⴰⵔⵓⵙⵢⴰ, ⵇⴰⵟⴰⵕ, ⵜⵓⵕⴽⵢⴰ, ⵜⴰⵔⴽⴰⵎⴰⵏⵉⵙⵜⴰⵏ, ⴼⵉⵜⵏⴰⵎ, ⴷ ⵓⵍⴰ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵙⵓⵖⵍⵏ.
ⵣⵓⵣⵣⵔⵏⵜ ⵜⵓⴳⵜ ⵏ ⵜⵎⴰⴷⴷⴰⵙⵉⵏ ⵜⴰⵖⵜⴰⵙⵜ ⴰⴷ ⴰⴼⴰⴷ ⴰⴷ ⵉⵜⵜⵓⵙⴷⴰⵍ: ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵙⵓⵖⵍⵏ ⵉⴷⵖⵢⴰⵏⵏ ⴳ ⵉⴳⵔⴰⵡⵏ, ⴽⵔⵉⵜⵉⴽⴰⵍ ⵍⵉⵏⴽ ⵉⵏⵜⵔⵏⴰⵛⵢⵓⵏⴰⵍ, ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⵎⵙⵙⵓⵖⵍⵏ ⴷ ⵉⵎⵙⵙⵓⵖⵍⵏ ⵉⴷⵖⵢⴰⵏⵏ ⵉⵣⵣⵓⵍⴰⵏⵏ, ⵔⵉⴷ ⵜⵉ, ⵜⴰⵎⵓⵏⵜ ⵜⴰⵎⴰⴹⵍⴰⵏⵜ ⵏ ⵉⵎⵙⵙⵓⵖⵍⵏ ⵏ ⵜⵓⵜⵍⴰⵢⵜ ⵏ ⵉⵙⵉⵍⵍⵉⴼⵏ.
ⵄⴱⵍⵡⴰⵃⵉⴷ ⴱⵓⵜⴱⴰⵖⴰ
