ⵜⵉⵖⵔⵉ ⴳ ⵜⴼⵍⵙⴰⴼⵜ ⵏ ⵓⵃⵢⵓⴹ ⵏⵉⵜⵛ

قراءة في فلسفة المجنون نيتشه

ⵜⵉⵖⵔⵉ ⴳ ⵜⴼⵍⵙⴰⴼⵜ ⵏ ⵓⵃⵢⵓⴹ ⵏⵉⵜⵛ

ⴰⴼⵍⵙⴰⴼⴰⵏ ⵏⵏⴰ ⵙ ⵖⴰⵍⵏ ⵉⵏⴼⵔⴰⵏⵏ ⵏⵏⵙ ⵎⴰⵙ ⵉⵏⵓⴼⵍ ⵓⵔⵜⴰ ⵜⵙⵎⴷ ⵜⵓⴷⵔⵜ ⵏⵏⵙ ⵜⴰⴳⵣⵍⴰⵏⵜ ⴳ ⵓⵙⵏⵜⵉ ⵏ ⵜⴰⵙⵓⵜ ⵜⵉⵙⵙ 20 , ⵉⴳ ⴰⴼⵍⵙⴰⴼ ⵏⵏⴰ ⵉⵙⴽⵔⵏ ⵢⴰⵏ ⵓⵙⵏⴼⵍ ⴷ ⵢⴰⵜ ⵜⴳⵔⴰⵡⵍⴰ ⵙⵍⴰⵡⴰⵏ ⴰⴽⴽⵯ ⴳ ⵎⴰⴷ ⵉⵥⵍⵉⵏ ⵙ ⵓⵙⴳⴷ,

ⵍⵍⵉⵖ ⵉⵖⴰⵍ ⵓⴼⵍⵙⴰⴼ ⴰⴷ ⴰⵍⴰⵍⵎⴰⵏⵉ ⵙ ⵜⴷⵓⵙⵉ ⵏⵖⴷ ⴰⵢⵍⵍⵉ ⵎⵓ ⵜⵜⵉⵏⵉⵏ ⵜⴰⵣⵎⵔⵜ ⵏ ⵜⴷⵓⵙⵉ ⴳ ⵎⴳⴰⵍ ⵏ ⵜⵣⵎⵔⵜ ⵏ ⵡⴰⴽⵓⵛ ⴷ ⵉⵙⴳⴷⵏ ⴰⴽⴽⵯ ⴷ ⵜⵏⴷⵉⵡⵉⵏ, ⵉⴳ ⵓⵣⵡⵍ ⵏ ⵓⴷⵍⵉⵙ ⵏⵏⵙ ⵏⵏⴰ ⴱⴰⵀⵔⴰ ⵉⵜⵜⴰⵡⵙⵙⴰⵏⵏ “Will to Power” ⵏⵏⴰ ⵉⴳⴰⵏ ⴰⵙⴰⵜⵓⵔ ⵏ ⵓⵙⵡⵉⵏⴳⵎ ⴷ ⵜⴼⵍⵙⴰⴼⵜ ⵏⵏⵙ .

ⵉⵖⴰⵍ ⵓⵙⵡⵉⵏⴳⵎ ⵏ ⵏⵉⵜⵛ ⵙ ⵜⴷⵓⵙⵉ ⴳ ⵜⵡⵍⴰⴼⵉⵏ ⵏⵏⵙ ⵎⵢⴰⵏⴰⵡⵏⵉⵏ ⴰⴽⴽⵯ ⵎⴽ ⴳⴰⵏⵜ ⵜⵉⵙⵔⴷⴰⵙⵉⵏ ⵏⵖⴷ ⵜⵉⴷⵎⵙⴰⵏⵉⵏ ,ⵜⵉⵖⵙⵙⴰⵏⵉⵏ ⵏⵖⴷ ⵜⵉⵙⵔⵜⴰⵏⵉⵏ, ⵎⴰⵛ ⵜⴰⵏⴷⵉⵡⵉⵏ ⵏⵏⴰ ⵙ ⴱⴰⵀⵔⴰ ⵉⵖⴰⵍ ⵜⵉⵍⵍⵉ ⴼ ⴰⵢⵜⵜⴰⵙⵉ ⵓⴼⴳⴰⵏ ⵉⵙⴽⵔ ⴳⵉⵙⵏⵜ ⴰⵙⴰⵜⵓⵔ ⵏⵏⴰ ⵙ ⵔⴰⴷ ⵉⴷⴷⵔ ⵜⵓⴷⵔⵜ ⵏⵏⵙ , ⵜⴰⵍⵍⵉ ⵎⵓ ⵉⵜⵜⵉⵏⵉ ⵏⵉⵜⵛ ⴳ ⵜⴼⵍⵙⴰⴼⵜ ⵏⵏⵙ ⴰⵙⵡⵔⵔⵉ ⵏ ⵓⵙⴰⵜⵉⴳ ⵏ ⵜⵏⴷⵉⵡⵉⵏ .

ⴰⴼⴰⴷ ⴰⴷ ⵉⵍⵉⵏⵜ ⵜⵏⴷⵉⵡⵉⵏ ⵜⵉⵎⴰⵢⵏⵓⵜⵉⵏ ⴷⴰⵔ ⵓⴼⴳⴰⵏ ⴱⵍⴰ ⵜⵉⵍⵍⵉ ⵉⵍⵎⴷ ⴷⴰⵔ ⵜⴰⵡⵊⴰ ⵏⵏⵙ ⵏⵖⴷ ⴳ ⵓⴷⵖⴰⵔ ⵏⵏⴰ ⴳ ⵉⴷⴷⵔ ⵏⵖⴷ ⵜⵉⵍⵍⵉ ⵉⵍⵎⴷ ⴳ ⵜⵉⵏⵎⵍ ⵏⵖⵙⴷ ⴳ ⵉⵙⴳⴷⵏ ⴰⴼⴰⴷ ⴰⴷ ⵉⵣⵔⵉ ⴰⵢⵍⵍⵉ ⵉⴳⴰⵏ ⵜⴰⵎⵢⵓⵔⵜ ⴳ ⵉⴳⵔ ⴰⴷ ⵎⴰ ⴰⴷ ⵉⴳⴰ ⴰⵙ ⵏⵉⵜⵛ ⵙ ⵡⴰⵙⵙⴰⵖ ⴰⵔⴳⴰⵣ ⵢⵓⴼⵏ ⵏⵖⴷ ⵡⴰⵏⵏⴰ ⵉⴳⴰⵏ ⴼⵖⵏⵉⵜ .

ⵉⴳ ⵜ ⵓⴼⴳⴰⵏ ⵏⵏⴰ ⵢⴰⵜⵜⵓⵢⵏ ⴼ ⵡⴰⵜⵉⴳⵏ ⴷ ⵜⵏⴷⵉⵡⵉⵏ ⴷ ⵉⵣⵔⴼⴰⵏ ⵏⵏⴰ ⵉⵍⵍⴰⵏ ⴷⴷⵓ ⵜⵏⴰⵍⵉⵜ ⵏ ⵓⴼⴳⴰⵏ ⵏⵖⴷ ⵜⴰⵍⵍⵉ ⴰⵙ ⵉⴽⴽⵔⴼⵏ ⵜⵉⵍⴻⵍⵍⵉ ⵏⵏⵙ .

ⵙⴳ ⵜⵖⴰⵡⵙⵉⵡⵉⵏ ⵏⵏⴰ ⴼ ⵉⵙⵡⵡⵓⵔⵉ ⵏⵉⵜⵛ ⴰⴼ ⴰⴷ ⴰⴷ ⵜⵏⵜ ⴳⴰⵏⵜ ⵜⵉⵏⴳⵔⴰⵡⵉⵏ ⵜⵓⴷⴱⵉⵡⵉⵏ ⵜⵉⵜⵔⴰⵔⵉⵏ

ⵎⴽ ⵍⵍⵉ ⵢⴰⴷ ⵉⵜⵜⵓⵏⵏⴰⵏ ⵎⴰⵙⴷ ⴰⴼⵍⵙⴰⴼ ⴰⵍⴰⵍⵎⴰⵏⵉ ⵉⵖⴰⵍ ⴱⴰⵀⵔⴰ ⵙ ⵜⵣⵎⵔⵜ ⵏ ⵜⴷⵓⵙⵉ ,ⴰⵔ ⵉⵜⵜⵉⵏⵉ ⵎⴰⵙⴷ ⴰⵢⵏⵏⴰⴼ ⴷ ⵉⵍⵓⵍ ⵓⴼⴳⴰⵏ ⵏⵜⵜⴰⵜ ⴰⴷ ⵉⴳⴰⵏ ⴰⵖⴱⴰⵍⵓ ⵏ ⵜⴷⵓⵙⵉ ⵏⵏⵙ ⴰⵔ ⴰⵙ ⵜⴰⴽⴽⴰ ⵜⵓⵎⵔⵜ ⵉⴳⴳⵓⵜⵏ ⴷ ⵜⴷⵓⵙⵉ ⵉⵕⵡⴰⵏ ,

ⵏⵉⵜⵛ ⵉⵖⴰⵍ ⴱⴰⵀⵔⴰ ⵎⴰⵙⴷ ⴰⵢⵏⵏⴰ ⴼ ⴷ ⵉⵕⵥⵎ ⵓⴼⴳⴰⵏ ⴰⵣⵎⵎⴰⵥⵥⵍ ⵏⵏⵙ ⴰⵎⵣⵡⴰⵔⵓ ⵏⵜⵜⴰⵜ ⴰⴷ ⴰⵙ ⵢⴰⴽⴽⴰⵏ ⵜⴰⴷⵓⵙⵉ ⴷ ⵜⵣⵎⵎⴰⵔ ⵎⴽ ⵜⴳⴰ ⵜⴰⴷⵓⵙⵉ ⵜⴰⵏⵉⵎⴰⵏⵜ ⵏⵖⴷ ⵉⵏⵏⴰ ⴽⴰ ⵜⴳⴰ ,ⴱⵍⴰ ⴰⴽⴽⵯ ⵏⵙⴰⵡⴰⵍ ⴼ ⵜⵍⴻⵍⵍⵉ ⴷ ⵜⵏⴷⵉ ⴷ ⵜⵎⴰⵙⴰⵢⵜ , ⵎⴰⵛ ⴰⵢⵏⵏⴰ ⴼ ⴷ ⵉⵍⵓⵍ ⵓⴼⴳⴰⵏ ⴷ ⴰⵢⵏⵏⴰ ⴷ ⵢⵓⴼⴰ ⵏⵜⵜⴰⵜ ⴰⴷ ⵉⵜⵜⴳⴳⴰⵏ ⵓⵏⵜⵉ ⵏ ⴰⵢⵏⵏⴰ ⴰⵙ ⵉⵙⴰⵕⵏ ⴷ ⵉⵏⵏⴰ ⴰⴽⴽⵯ ⵉⵙⴰⵕⵏ .

ⴱⵓⵎⵉⵚⵕ ⵄⴱⴷⵍⵡⴰⵃⴷ ⴰⵎⴰⵡⴰⵙ

………………………………………………………
قراءة في فلسفة المجنون نيتشه

tiɣri g tflsaft n uḥyuḍ nitc

aflsafan nna s ɣaln infrann nns mas inufl urta tsmd tudrt nns tagzlant g usnti n tasut tiss 20 , ig aflsaf nna iskrn yan usnfl d yat tgrawla slawan akkʷ g mad iẓlin s usgd,

lliɣ iɣal uflsaf ad alalmani s tdusi nɣd aylli mu ttinin tazmrt n tdusi g mgal n tzmrt n wakuc d isgdn akkʷ d tndiwin, ig uzwl n udlis nns nna bahra ittawssann “will to power” nna igan asatur n uswingm d tflsaft nns .

iɣal uswingm n nitc s tdusi g twlafin nns myanawnin akkʷ mk gant tisrdasin nɣd tidmsanin ,tiɣssanin nɣd tisrtanin, mac tandiwin nna s bahra iɣal tilli f ayttasi ufgan iskr gisnt asatur nna s rad iddr tudrt nns , talli mu ittini nitc g tflsaft nns aswrri n usatig n tndiwin .

afad ad ilint tndiwin timaynutin dar ufgan bla tilli ilmd dar tawja nns nɣd g udɣar nna g iddr nɣd tilli ilmd g tinml nɣsd g isgdn afad ad izri aylli igan tamyurt g igr ad ma ad iga as nitc s wassaɣ argaz yufn nɣd wanna igan fɣnit .

ig t ufgan nna yattuyn f watign d tndiwin d izrfan nna illan ddu tnalit n ufgan nɣd talli as ikkrfn tilelli nns .
sg tɣawsiwin nna f iswwuri nitc af ad ad tnt gant tingrawin tudbiwin titrarin
mk lli yad ittunnan masd aflsaf alalmani iɣal bahra s tzmrt n tdusi ,ar ittini masd aynnaf d ilul ufgan nttat ad igan aɣbalu n tdusi nns ar as takka tumrt iggutn d tdusi iṛwan ,
nitc iɣal bahra masd aynna f d iṛẓm ufgan azmmaẓẓl nns amzwaru nttat ad as yakkan tadusi d tzmmar mk tga tadusi tanimant nɣd inna ka tga ,bla akkʷ nsawal f tlelli d tndi d tmasayt , mac aynna f d ilul ufgan d aynna d yufa nttat ad ittggan unti n aynna as isaṛn d inna akkʷ isaṛn .

Abdelouahed Boumisser .