جريدة العالم الأمازيغي صوت الإنسان الحر
Par : Abdelouahed Boumisser
ⵉⵍⵓⵍ ⵉⴳⵍⵍⵉⵏ ⵏ ⵃⵎⴰⴷ ⴰⴷⵖⵉⵔⵏⵉ ⴳ ⵓⵙⴳⴳⵯⴰⵙ ⵏ 1947 ⴳ ⵓⵙⵓⵏ ⵏ ⵜⴰⴷⴷⴰⵔⵜ ⵏⵏⴰ ⵉⵡⴰⵍⴰⵏ ⵉ ⵜⵇⵇⴱⵉⵍⵜ ⵏ ⴰⵢⵜ ⵄⵍⵉ ⴳ ⴰⵢⵜ ⴱⴰⵄⵎⵕⴰⵏ ,ⵉⴽⴽⴰ ⵜⵜ ⵉⵏⵏ ⴱⴰⴱⴰⵙ ⵉⴳⴰ ⴰⵙⵍⵎⴰⴷ ⴳ ⵜⵉⵏⵎⵍ ⵏ ⵣⵣⴰⵡⵉⵜ ⵏ ⵜⴰⴷⴷⴰⵔⵜ ⴷ ⵓⵎⵙⵜⴰⵏ,ⵉⴳⴰ ⵓ ⵓⴹⵡⵡⴰⵕ ⵏ ⵉⴳⵯⵔⴰⵔ ⵏ ⵙⵉⴷⵉ ⵄⴱⴷⵕⵃⵎⴰⵏ ⴳ ⵜⵏⵉⵍⴰ ⵏ ⵜⵣⵏⵉⵜ,ⵜⴰⴳⵔⴰⵡⵜ ⵏ ⵓⴳⵍⵓ
ⵉⵖⵔⴰ ⵉⴳⵍⵍⵉⵏ ⵏ ⴷⵖⵉⵔⵏⵉ ⴰⵙⵙⵍⵎⴷ ⵏⵏⵙ ⴰⵎⵏⵣⵓ ⴳ ⵓⴷⵖⴰⵔ ⵏ ⵜⵍⴰⵍⵉⵜ ⵏⵏⵙ, ⵉⵙⵎⴷ ⵜⴰⵖⵓⵕⵉ ⵏⵏⵙ ⴳ ⵓⵙⵉⵏⴰⴳ ⵏ ⵜⵣⵏⵉⵜ ⴰⵢⵍⵍⵉⵖ ⵉⵎⵎⴰⵜⵜⵉ ⵙ ⵡⵉⵏ ⵜⵔⵓⴷⴰⵏⵜ, ⵢⵓⵎⵥ ⵜⵓⴳⴳⴰ ⵏ ⵍⴱⴰⴽ ⴳ ⵓⵙⵉⵏⴰⴳ ⵏ ⴱⵏ ⵜⴰⵛⴼⵉⵏ ⴳ ⵡⴰⵎⵓⵔ ⵏ ⵡⴰⴽⵓⵛ, ⴷⴼⴼⵉⵔ ⵏ ⵎⴰ ⴰⵏⵏ ⵉⵎⵎⴰⵜⵜⵉⵙ ⵜⵖⵔⵎⵜ ⵏ ⴼⴰⵙ ⵍⵍⵉⵖ ⵢⵓⵎⵥ ⵜⵓⵔⴰⴳⵜ ⵜⴰⵙⴷⴰⵡⴰⵏⵜ ⴳ ⵜⵙⴽⵍⴰ, ⵉⵙⵙⴹⴼⵕ ⴰⵙ ⵢⴰⵜ ⵜⵓⵔⴰⴳⵜ ⵢⴰⴹⵏⵉⵏ ⴳ ⵓⵙⵍⴳⵏ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴳ ⵜⵖⵔⵎⵜ ⵏ ⵕⵕⴱⴰⵟ,ⴰⵢⵍⵍⵉⵖ ⵉⵙⵡⵡⵓⵔⵉ ⴷ ⴰⵎⵙⵜⴰⵏ ⴳ ⵕⵕⴱⴰⵟ ⵏⵉⵜ ⵙⴳ ⴰⵙⵏⵜⵉ ⵏ ⵙⵙⴱⵄⵉⵏⴰⵜ
ⵉⴳⴰ ⴰⴳⵎⴰⵎ ⴳ ⵜⵡⵡⵓⵔⵉ ⵜⴰⵙⵔⵜⴰⵏⵜ ⵙⴳ ⵎⵥⵥⵉⵢ ⵏⵏⵙ ⵉⴳ ⴰⵡⴷ ⴰⴳⵎⴰⵎ ⴰⵏⵎⵎⴰⵙⵙⵓ ⴳ ⵜⴰⵎⵓⵏⵜ ⵏ ⵉⵎⵣⵔⴰⵡⵏ ⵏ ⵍⵎⵖⵔⵉⴱ
ⵉⴳⴰ ⵉⴳⵍⵍⵉⵏ ⵏ ⵃⵎⴰⴷ ⴰⴷⵖⵉⵔⵏⵉ ⵙⴳ ⵉⵎⵇⵕⴰⵏⵏ ⵏ ⵓⵎⵓⵙⵙⵓ ⴰⵎⴰⵉⵖ ⴷ ⵓⵎⵖⴰⵔ ⵏ ⵉⵎⴰⵣⵉⵖⵏ ⴰⴽⴽⵯ,ⵢⵉⵡⵙ ⴳ ⵜⵉⵏⴰⵡⵉⵏ ⵜⵉⵎⵣⵡⵓⵔⴰ ⵏ ⵜⵙⴷⴰⵡⵉⵜ ⵏ ⵓⵏⴱⴷⵓ ⴳ ⵓⴳⴰⴷⵉⵔ,ⵉⴳ ⴰⵡⴷ ⴰⵏⵎⵎⴰⵙⵙⵓ ⴳ ⵜⵎⴰⴳⵔⴰⵡⵜ ⵜⴰⵎⴰⵢⵏⵓⵜ,ⵉⴳ ⵙⴳ ⵉⵏⴱⴷⴰⴷⵏ ⵏⵏⴰ ⴱⵉⴷⴷⵏⵉⵏ ⵉ ⵓⵙⴽⴽⵉⵔ ⵏ ⵓⴽⵓⵏⴳⵕⵉ ⴰⵎⴰⴹⵍⴰⵏ ⴰⵎⴰⵣⵉⵖ ,ⴷ ⵓⵎⵣⴷⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⴼⵢⵉⵏⵏⴰ ⴰⵙⴳⴳⵯⴰⵙ ⵏ 1993,ⵉⴳ ⵓⵡⵏⵏⵉ ⴰⵏⵏ ⵢⴰⵏ ⵓⵙⵔⴰⴳ ⵏ ⵓⵙⵓⵙⵙⵏ ⵏ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⴳ ⵓⵙⵡⵉⵔ ⴰⵎⴰⴹⵍⴰⵏ,ⵉⴳ ⴰⵏⴱⴷⴰⴷ ⵏⵏⴰ ⵉⵙⴽⵔⵏ ⵜⴰⵙⵡⵉⵏⴳⵎⵜ ⵏ ⵓⴽⴰⴱⴰⵕ ⴰⴷⵉⵎⵓⵇⵕⴰⵜⵉ ⴰⵎⴰⵣⵉⵖ ⴰⵎⴰⵖⵔⵉⴱⵉ ⴳ ⵓⵙⴳⴳⵯⴰⵙ ⵏ 2005
ⵉⴳⵍⵍⵉⵏ ⵏ ⵃⵎⴰⴷ ⴰⴷⵖⵉⵔⵏⵉ ⵉⴼⵍⴷ ⵜⵓⴳⵜⵜ ⵏ ⵡⴰⵔⵔⴰⵜⵏ ⴳ ⵉⴳⵔ ⵏ ⵜⵙⴽⵍⴰ ⴷ ⵓⵎⵣⵔⵓⵢ ⴷ ⵜⵙⵔⵜⵉⵜ ⵓⵍⴰ ⴰⵙⴳⴷ ⵏⵏⴰ ⵉⵣⴷⵉⵏ ⴷ ⵜⵎⴰⵣⵉⵖⵜ,ⵉⵙⴽⵔ ⴰⵡⴷ ⵜⴰⵖⵎⵎⵉⵙⵜ ⵏ « ⴰⵎⵣⴷⴰⵢ »ⴷ « ⵜⴰⵎⴰⵣⵉⵖⵜ »,ⵉⵜⵜⵓⵙⵙⴰⵏ ⵎⴰⵙⵙ ⴰⴷⵖⵉⵔⵏⵉ ⴷⴰⵔ ⵉⵎⴰⵉⵖⵏ ⴰⴽⴽⵯ ⵎⴰⵙ ⴱⴷⴷⴰ ⵉⵏⵣⵣⵖ ⵅⴼ ⵉⵣⵔⴼⴰⵏ ⵏ ⵉⵎⴰⵣⵉⵖⵏ ⴳ ⵎⴰⴷ ⵉⵣⵍⵉⵏ ⵙ ⵜⵓⵜⵍⴰⵢⵜ ⴷ ⵓⵙⴳⴷ ⴷ ⵜⵖⵏⵙⴰ ⵙ ⵓⵎⴰⵜⴰ ⴷ ⵉⵏⴽⵔⴰⴼ ⵉⵙⵔⵜⴰⵏⵏ ⴽⵔⴰ ⴳⴰⵏ
ⵙⴳ ⵜⵥⵕⵉⴳⵉⵏ ⵏ ⵉⴳⵍⵍⵉⵏ ⵏ ⴰⴷⵖⵉⵔⵏⵉ
عبدالمومن: مسرحية من تاريخ الموحدين
« ⵄⴱⴷⵍⵎⵓⵎⵏ » ⵢⴰⵜ ⵜⵎⵣⴳⵓⵏⵜ ⵅⴼ ⵓⵎⵣⵔⵓⵢ ⵏ ⵍⵎⵓⵡⴰⵃⵃⵉⴷⵉⵏ
المهدي بن تومرت: مسرحية من تاريخ الموحدين
« ⵍⵎⵀⴷⵉ ⴱⵏ ⵜⵓⵎⵕⵜ » ⵢⴰⵜ ⵜⵎⵣⴳⵓⵏⵜ ⵅⴼ ⵓⵎⵣⵔⵓⵢ ⵏ ⵍⵎⵓⵡⴰⵃⵃⵉⴷⵉⵏ
دموع الغولة: مجموعة قصصية
« دموع الغولة » ⵜⴰⴷⵍⴰ ⵏ ⵜⵓⵍⵍⵉⵙⵉⵏ
مدينة الفناء: رواية
« مدينة الفناء » ⵓⵏⴳⴰⵍ
الرحلة الوجيزة الى الحضرة العزيزية (تحقيق)
من تراث التأليف اللغوي بالمغرب
الأحزاب والانتخابات بالمغرب
الكتل المجتمعية بالمغرب
حكومة التناوب بالمغرب
العمل الجمعوي الامازيغي
الكونكريس العالمي الامازيغي
الأمازيغية والتعديلات الدستورية
أية حركة شعبية
قوانين الانتخابات بالمغرب
روميو وجوليت؛ (ترجمة الى الأمازيغية)
« ⵕⵓⵎⵢⵓ ⴷ ⵊⵓⵍⵢⵉⵜ » ⴰⵙⵓⵖⵍ ⵙ ⵜⵎⴰⵣⵉⵖⵜ
أموال أزرفان
« ⴰⵎⴰⵡⴰⵍ ⴰⵣⵔⴼⴰⵏ »
البديل الأمازيغي( أطروحة سياسية امازيغية)
حراك الريف
أصول الحكم بالمغرب، مقالات سياسية حول المخزن وفرنسا وشبكات الأحزاب
ⵉⵍⵉⵏ ⵉⴷⵍⵉⵙⵏ ⵢⴰⴹⵏ ⴷ ⵜⵣⵔⴰⵡⵉⵏ ⵏⵏⴰ ⵓⵔⵜⴰ ⵉⴼⵙⵔ ⵉⴳⵍⵍⵉⵏ ⵏ ⴷⴷⴰ ⵃⵎⴰⴷ ⴰⴷⵖⵉⵔⵏⵉ, ⵜⴰⵎⵍⵍⴰ ⵏ ⴱⴰⴱ ⵏ ⵉⴳⵏⵡⴰⵏ ⴼ ⵓⵎⵖⵏⴰⵙ ⴷ ⵓⵎⵖⴰⵔ ⵏ ⵉⵎⴰⵣⵉⵖⵏ ⴰⴽⴽⵯ
