جريدة العالم الأمازيغي صوت الإنسان الحر
ⵜⵏⵏⴰ ⵜⵙⴷⴰⵡⵉⵜ ⴳ ⵓⵙⵉⵡⴹ ⴰⵎⴰⴷⴷⵓⴷ ⵎⴰⵙ ⴷ ⵜⴰⵖⵜⵙⵜ ⴰⴷ ⴷⴰ ⵜⵙⵖⵓⴷⵓ ⴰⵎⵏⵣⴰⵢ ⵏ ⵓⵙⵏⵙⵉ ⵏ ⵓⵙⴷⴷⵉ ⵉⵙⵏⵎⴰⵍⴰⵏ ⵙ ⵜⵡⵉⵍⴰ ⵉⵙⴽⵉⵍⵏ ⴳ ⵎⴰⵕⵕⴰ ⵏ ⵜⵙⴳⴳⵯⵉⵏ. ⴰⵢⴰⴷ ⴳⵉⵙ ⵓⵖⵓⴷ ⵏ ⵓⵎⵣⵉⵣⵡⵔ ⴷ ⵜⵏⴼⵔⵓⵜ ⵏ ⵜⵡⴰⴷⴰ ⵏⵏⵙ. ⴷ ⵜⵙⵙⴼⴰⵡ ⵎⴰⵙ ⴷ ⵙⴳ ⵜⵎⵙⴰⵔⵉⵏ ⵏⵏⴰ ⵜⵥⵕⴰ ⵜⵎⵏⵢⵓⴳⴰⵔⵜ ⵏⵏⴰ ⵉⵙⵙⵎⴰⵏ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⴰⴱⵉⵜ ⴷ ⵢⵉⴽⵏⵉ ⵏⵏⵙ ⴰⵙⵉⵏⵉⴳⴰⵍⵉ. ⴷ ⵏⵏⴰ ⵉⴼⵓⴽⴽⴰⵏ ⵙ ⵉⴱⴷⴷⵉ ⵏⵏⵙⵏⵜ. ⵜⴼⵔⴳ ⵅⴼ ⵡⴰⵎⵎⴰⵥ ⵏⵏⵙ ⵙ ⵜⵓⵜⵜⵔⴰ ⵏⵏⵙ ⵜⴰⴷⵙⵍⴰⵏⵜ ⵏⵏⴰ ⵢⴰⵎⵓⵏ ⴳ ⵓⵙⵏⵙⵉ ⴰⵎⵜⵜⴰⵖⴰⵍ ⵉ ⵉⵙⵍⴳⵏ ⵏⵏⴰ ⵙ ⴳⴰⵏ. ⴱⵍⴰ ⴰⴷ ⵉⴳ ⵡⵉⵢⵢⴰⴷ ⴰⵏⵉⵍⴰⵏ ⵉ ⵓⴹⴰⴽⴰⵍ ⴳ ⵜⵏⴼⵔⵓⵜ ⵏ ⵜⵓⵏⵏⵓⵏⵜ
ⵉⵙⵉⵡⵍ ⵓⵙⴰⴳⵎ ⵏ ⵎⴰⵙ ⵜⴳⴰ ⵜⵖⵜⴰⵙⵜ ⵏ ⵜⵙⵇⵇⵉⵎⵜ ⵜⴰⵙⵎⵓⴳⵏⵜ. ⵏⵏⴰ ⵎⵉ ⵉⵣⵡⴰⵔ ⵡⴰⵍⴰⵙ ⵏⵏⵙ ⵣⵉ ⵜⵙⴷⴰⵡⵉⵜ. ⵉⵖⵜⵙ ⵎⴰⵙ ⴷ ⵓⵔ ⵓⵇⵇⵉⵔⵏ ⵉⵙⵍⴳⵏ ⵏⵏⴰ ⴳⴰⵏ. ⴰⵢⴰⴷ ⴰ ⵎⵉ ⵜⴳ ⵜⵙⴷⴰⵡⵉⵜ ⵢⴰⵏ ⵓⵙⴷⴷⵉⴷ ⵉ ⵜⴰⵏⵏⴰⵢⵜ ⵏⵏⵙ ⵏⵏⴰ ⵉⵣⴷⵉⵏ ⵅⴼ ⵜⴹⵓⵍⵍⵉⵜ ⵏ ⵓⵡⵇⵇⵔ ⵏ ⵉⵙⵍⴳⵏ ⵏⵏⴰ ⵉⵙⵏⵎⴰⵍⴰⵏ ⵉⵎⵣⵉⵣⵡⵔⵏ.
ⵜⵙⴷⴷⵉⴷ ⵜⵙⴷⴰⵡⵉⵜ ⵅⴼ ⵜⵎⵔⵉⵙⵜ ⵏⵏⵙ ⵜⴰⵎⵖⵍⴰⵍⵜ ⵉ ⵉⵍⵓⴳⵏⵏ ⵉⵣⵔⴼⴰⵏⵏ ⵏⵏⴰ ⵜⵄⵔⵔⴰⵎ ⴳ ⵓⵙⵉⴽⵙⵍ ⵏ ⵉⵏⵀⵉⵜⵜⴼⵏ, ⵜⴼⵔⵔⵣ ⵎⴰⵙ ⴷ ⵜⴰⴷⵔⴰⵡ ⴳ ⵎⴰⵕⵕⴰ ⵏ ⵜⵡⵓⵔⵉⵡⵉⵏ ⴷ ⵜⵇⵇⵉⵎⵉⵜⵉⵏ ⵖⵔ ⵓⵣⴷⴷⴰⵢ, ⵜⵙⵙⵏⴽⴷ ⵜⵉⵎⵙⵙⴽⵜⴰⵢ ⵙ ⵜⵡⵉⵍⴰ ⵏⵏⴰ ⴳ ⵉⵍⵍⴰ ⵓⴼⵔⴰⴳ ⵅⴼ ⵉⵣⵔⴼⴰⵏ ⵏⵏⵙ ⴳ ⵓⵙⴰⵜⵉ ⵏ ⵓⵙⵍⴳⵏ ⴷ ⵜⵎⵔⵙⵍⵜ.
ⴰⵔ ⵜⵜⵉⵥⵉⵕⵏ ⵉⵎⴹⴼⴰⵕⵏ ⵎⴰⵙ ⴷ ⵜⴰⵖⵜⴰⵙⵜ ⴰⴷ ⴰⴷ ⵜⴰⵡⵙ ⴳ ⵓⵙⵙⴼⵔⵓ ⴷ ⵓⵙⴱⵓⵖⵍⵓ ⵏ ⵉⵏⴳⵔⴰⵡⵏ ⵏⵏⴰ ⵙ ⵙⵡⵓⵔⵉⵢⵏ ⴳ ⴰⵎ ⵡⴰⴷⴷⴰⴷⵏ ⴰⴷ, ⴱⵍⴰ ⴰⵙⵖⵓⴷⵓ ⵏ ⵜⵎⵢⵉⵎⴰⵏⵜ ⵏ ⵜⵛⴰⵎⵎⴰ ⵜⴰⴼⵔⵉⵇⵉⵜ ⴷ ⵓⵙⵏⵎⴰⵍⴰ ⵏⵏⵙ.
ⵜⵓⵍⵙ ⵜⵙⴷⴰⵡⵉⵜ ⵉ ⵓⵙⴷⴷⵉⴷ ⵏⵏⵙ ⵖⴼ ⵓⵍⴽⴰⵎ ⵉ ⵓⴼⵔⴰⴳ ⵖⴼ ⵓⵎⵏⵣⴰⵢ ⵏ ⵓⵙⵏⵙⵉ ⵓⵖⴷⵉⵎ ⴷ ⵓⵎⵜⵜⴰⵖⴰⵍ ⵉ ⵉⵙⵍⴳⵏⵏ ⵎⵏⵉⴷ ⵏ ⵉⴳⵔⴰⵡⵏ ⵉⵎⵏⵥⴰⵡⵏ ⴷ ⵉⴳⵔⴰⵖⵍⴰⵏⵏ, ⵉⵍⵉⵢ ⵏⵏⵙ ⵖⴼ ⵓⵣⵎⵣ ⵏ ⵢⵉⵎⴰⵍ, ⴰⵎ ⵜⴳⵉⵔⴰ ⵏ ⵓⴽⴰⵙ ⵏ ⵓⵎⴰⴹⴰⵍ ⴷ ⵓⴽⴰⵙ ⵏ ⵜⴼⵔⵉⵇⵜ ⵉ ⵜⵎⵜⵜⵉ ⵏ ⵜⵙⴷⵏⴰⵏ ⴳ ⵓⵏⴱⴷⵓ ⵏ ⵢⵉⵎⴰⵍ.
ⴳ ⵜⴳⵉⵔⴰ ⵏ ⵓⵙⵉⵡⴹ ⵏⵏⵙ, ⵜⵥⴽⴰ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵉ ⵜⵛⴰⵎⵎⴰ ⵏ ⵓⵟⴰⵕ ⵖⴼ ⵓⵙⵓⵜⴳ ⵏ ⵜⵔⴰⴱⴱⵓⵜⵉⵏ ⵏⵏⴰ ⵉⴷⵔⴰⵏ ⴳ ⵉⵙⵎⵓⵔⴰⵏⵏ ⵏ ⵓⴽⴰⵙ ⵏ ⵜⴼⵔⵉⵇⵜ ⵏ ⵜⵎⵜⵜⴰ ⵏⵏⴰ ⵉⵙⵏⴱⴳⵉ ⵍⵎⵖⵔⵉⴱ, ⵜⵏⵏⴰ ⵎⴰⵙ ⴷ ⵜⴰⵙⴽⴰⵏⵜ ⵜⴳ ⵢⴰⵜ ⵜⴽⵍⵉ ⵜⵓⵙⵍⵉⴷⵜ ⴳ ⵓⵣⴰⵣⵓ ⵏ ⵓⵙⴱⵓⵖⵍⵓ ⵏ ⵜⵛⴰⵎⵎⴰ ⵏ ⵓⵟⴰⵕ.
ⵉⵙⵓⵖⵍ ⵜ : ⴽⴰⵎⴰⵍ ⵓⵕⵓ