جريدة العالم الأمازيغي صوت الإنسان الحر
ⵙ ⵜⵎⵍⴷⴰ ⵏ ⵓⴽⵜⵜⴰⵢ ⵡⵉⵙ 53 ⵏ ⵓⵙⴽⵔ ⵏ ⵓⴳⵔⴰⵡ ⵏ ⵍⵎⵖⵔⵉⴱ ⵖ ⵓⵙⵉⴳⴳⵍ ⴷ ⵉⵙⵏⴼⵍⵏ ⵏ ⵜⵓⵙⵙⵏⴰ, ⵉⵣⵔⵉ ⴰⵙⵙ ⵏ ⵓⵙⵉⴹⵢⴰⵙ 14 ⵏⵓⵡⴰⵏⴱⵉⵔ 2020 ⵖ ⵓⵙⵖⵉⵎ ⵏ ⵜⵎⵙⵎⵓⵏⵜ ⵏ ⴰⵎⵔⵉⴽ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵜⵎⴰⴷⵔⴰⵡⵜ ⵊⴰⵔ ⴰⵎⵔⵉⴽ ⴷ ⵜⵎⵔⵙⵍⵜ ⵏ ⴱⵕⴰⵀⵉⵎ ⴰⵅⵢⵢⴰⵟ ⵉ ⵓⵎⵢⴰⵏⴰⵡ ⴰⴷⵙⵍⴰⵏ
ⵉⴳⴰ ⵖ ⵉⵡⵜⵜⴰⵙ ⵏ ⵜⵎⴰⴷⵔⴰⵡⵜ ⴰⴷ ⵉⵍⵉⵏ ⵉⵖⴰⵡⴰⵙⵏ ⵏ ⵜⵡⵓⵔⵉ ⵛⵛⴰⵔⵏⵉⵏ ⵉ ⵜⴰⵎⵓⵏⵜ ⵏ ⵜⵓⴳⴳⴰⵙ ⴷ ⵓⵏⵄⴰⵔ ⵉ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵎⴰⵣⵉⵖⵜ , ⴷ ⵓⵙⵎⵖⵔ ⵏ ⵜⵙⵓⴳⴰⵔ ⵖ ⵉⴳⵔⴰⵏ ⵏ ⵓⵙⵡⵓⴷⴷⵓ ⵃⵎⴰ ⴰⴷ ⵢⵉⵍⵉ ⵓⵏⴱⴰⴹ ⵉⵕⵡⴰⵏ ⴷⴰⵔ ⵙⵏⴰⵜ ⵜⵎⵙⵎⵓⵏⵉⵏ, ⴷ ⵓⵣⵓⵣⵣⵔ ⴷ ⵓⵙⵎⴰⵜⴰ ⴷ ⵓⵙⵓⵜⴳ ⵏ ⵜⵎⵢⴰⵏⴰⵡⵜ ⵜⴰⵙⵏⵉⵍⵙⵜ ⴷ ⵓⵎⵢⴰⵏⴰⵡ ⴰⴷⵍⵙⴰⵏ ⵙ ⴰⵢⵍⵍⵉ ⵉⵍⵍⴰⵏ ⵖ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴷ ⵉⵎⵏⵣⴰⵢⵏ ⵉⵎⴰⴹⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵏⵄⴰⵔ ⴷⴰⵔ ⵜⵎⵙⵙⵓⴳⵓⵔⵉⵏ ⴷ ⵜⵎⵔⵙⴰⵍ ⵜⵉⴳⴷⴰⴷⴰⵏⵉⵏ ⴷ ⵜⵓⵙⵍⵉⴳⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵃⵎⴰ ⴰⴷ ⵢⵉⵍⵉ ⵓⵅⵎⵎⴻⵎ ⵖ ⵜⵎⴰⵣⵉⵖⵜ
ⵉⵃⴰⴹⵕ ⵖ ⵜⴼⵓⴳⵍⴰ ⴰⴷ ⵢⴰⵏ ⵉⵎⵉⴽ ⵖ ⵉⵎⵖⵏⴰⵙⵏ ⵏ ⵜⵎⵙⵎⵓⵏⵜ, ⵍⵍⵉⵖ ⵍⵍⴰⵏⵜ ⵜⵎⵙⴽⴰⵔ ⵏ ⵡⴰⵔⴰⵢ ⵍⵍⵉ ⴷ ⵢⵉⵡⵉ ⵓⵙⵓⵔⵙ ⵏ ⵓⴱⴰⵢⵢⵓⵕ ⵖ ⵜⵎⴰⵣⵉⵔⵜ ⵏⵏⵖ
ⵕⴰⵛⵉⴷ ⵓⵍⵃⵓⵙⴰⵢⵏ
