جريدة العالم الأمازيغي صوت الإنسان الحر
(ⵉⴳⵯⵜⵎⴰⵏ (2))
ⵉⵣⵍⴰⵏ, ⵓⵔ ⵙⵎⵎⵓⴽⴽⵏⵏ (signifier) ⵛⵔⴰ ⴰⵟⵟⴰⵚ ⵍⵇⵎⵉ ⵜⵜⵡⴰⵔⵔⵉⵏ ⴷⵉ ⵜⵎⵥⵉ ! ⵢⵓⵛⵛⵍ ⴰⵖ (on devrait) ⴰⴷ ⵏⵔⴰⵊⴰ ⴰⴷ ⵏⴰⵊⵊⵓ, ⵜⵓⴷⴰⵔⵜ ⵏⵏⵖ ⵇⴰⵃ, ⵓ ⵉⵙ ⵉⵜⵜⵡⴰⴼⵔⴳ (si possible), ⵉⵛⵜ ⵏ ⵜⵓⴷⴰⵔⵜ ⴷ ⵜⴰⵣⵉⵔⴰⵔⵜ, ⵃⵎⴰ ⴷⵉ ⵜⵏⴳⴳⴰⵔⵓⵜ, ⵓ ⴷⵉ ⵜⵙⵢⵓⵔⵉⵜ ⵙ ⵡⴰⵟⵟⴰⵚ, ⴱⴰⵔ (peut-être), ⴰⴷ ⵏⵣⵎⵔ ⴰⴷ ⵏⴰⵔⵔⵉ ⵎⵔⴰⵡ (dix) ⵏⵏⵉ ⵏ ⵜⵎⵖⴰⵍⵉⵏ( lignes) ⵉ ⵖⴰ ⵉⵍⵉⵏⵜ ⴷ ⵜⵉⵏⵏⵉ ⴷ ⵏⵉⵜⵏⵜⵉ. ⴰⵛⴽⵓ / ⵎⵉⵏⵣⵉ ⵉⵣⵍⴰⵏ ⵓⵔ ⴳⴳⵉⵏ, ⴰⵎⵎⵏ ⵜⵜⵖⵉⵍⵏ ⵛⵔⴰ ⵣⵣⴰⵢⵙⵏ, ⴷ ⵜⵓⴼⵔⴰⵢⵉⵏ (sentiments) (ⵜⵉⵏⵏ ⴰⴷ ⵜⵜⵉⵍⵉⵏⵜ ⵖⵔⵏⵖ ⵣⵉⴽⴽ), ⵏⵉⵜⵏⵉ ⵍⵍⴰⵏ ⴷ ⵜⵉⵔⵎⵉⵜⵉⵏ (expériences). ⵃⵎⴰ ⴰⴷ ⵏⴰⵔⵔⵉ [ⵖⴰⵙ] ⵉⵊⵊ ⵏ ⵉⵣⵍⵉ ⵉⵇⵇⵏ (il faut) ⴰⵖ ⴰⴷ ⵏⵉⵍⵉ ⵏⵥⵕⴰ ⴰⵟⵟⴰⵚ ⵏ ⵉⵖⵔⵎⴰⵏ (villes), ⵏ ⵉⵡⴷⴰⵏ, ⵏ ⵜⵖⴰⵡⵙⵉⵡⵉⵏ ; ⵉⵇⵇⵏ ⴰⵖ ⴰⴷ ⵏⵙⵙⵏ ⵉⵎⵓⴷⴰⵔ (animaux), ⵢⵓⵛⵛⵍ ⴰⵖ ⴰⴷ ⵏⴰⵛⴰ ⵎⴰⵎⵛ ⵟⵟⴰⵡⵏ ⵉⵊⴹⴰⴹ ⵓ ⴰⴷ ⵏⵙⵙⵏ ⵎⴰⵎⵛ ⵜⴳⴳⵏⵜ ⵜⵍⵓⵍⵍⵓⵛⵉⵏ ⵜⵉⵎⵣⵢⴰⵏⵉⵏ ⵍⵇⵎⵉ ⵔⵣⵣⵎⵏⵜ ⵖⴰⵔ ⵜⵓⴼⴼⵓⵜ. ⵉⵇⵇⵏ ⴰⵖ ⴰⴷ ⵏⵣⵎⵔ ⴰⴷ ⵏⵙⵡⵉⵏⴳⵎ ⴰⵍⵜⵓ (repenser) ⴷⵉ ⵛⵔⴰ ⵏ ⵜⴱⵔⵉⴷⵉⵏ ⵏ ⵛⵔⴰ ⵏ ⵜⵎⵏⴰⴹⵉⵏ ⵓⵔ ⵜⵡⵉⵙⵙⵏⵏⵜ, ⴷⵉ ⵛⵔⴰ ⵏ ⵉⵎⵙⴰⴳⴰⵔⵏ ⵜⵓⵖⴰ ⵓⵔ ⵜⵜⵡⵉⵇⵇⵍⵏ, ⴷⵉ ⵛⵔⴰ ⵏ ⵜⵉⵛⵔⵉⵡⵉⵏ ⴰⵟⵟⴰⵚ ⵣⴳ ⴰⵎⵉ ⵜⵓⵖⴰ ⵏⵜⵡⴰⵍⴰ ⵜⵏⵜ ⵜⵜⴰⴷⵙⵏⵜ ⵉⴷ, ⴷⵉ ⵛⵔⴰ ⵏ ⵡⵓⵙⵙⴰⵏ ⵏ ⵜⵎⵥⵉ ⵓⵎⵉ ⵜⵇⵇⵉⵎ ⵜⴰⴳⵣⵉ (mystère) ⵓⵔ ⵜⴼⵔⵉ (éclairci), ⴷⴳ ⵉⵎⴰⵔⴰⵡⵏ (parents) ⵏⵏⵖ ⵉ ⵜⵓⵖⴰ ⵏⵙⵅⵢⵢⴰⵇ / ⵏⵙⵖⵉⵍⵉⴼ ⵔⵅⵎⵉ ⵜⵜⴰⵡⵉⵏ ⴰⵖ ⴷ ⵛⵔⴰ ⵏ ⵜⵓⵎⴰⵔⵜ (joie) ⵓⵔ ⴰⴽⵉⴷⵏⵖ ⴷ ⵜⵓⵙⵉ (ⵜⵍⵍⴰ ⴷ ⵉⵛⵜ ⵏ ⵜⵓⵎⴰⵔⵜ ⵜⴻⵜⵜⵡⴰⴳⴳ ⵉ ⵢⵉⵊⵊ ⵏⵏⵉⴹⵏ), ⴷⴳ ⵡⴰⵟⵟⴰⵚ ⵏ ⵜⵎⵥⵉ ⵉⵙⵙⵏⵜⴰⵏ ⵙ ⵛⵔⴰ ⵏ ⵉⵎⵓⵜⵜⵓⵢⵏ ⵓⴷⵊⵖⵏ ⵓ ⴷ ⵉⵎⴰⵢⵓⵣⵏ (graves), ⴷⵉ ⵛⵔⴰ ⵏ ⵡⵓⵙⵙⴰⵏ ⵜⵜⵡⴰⵣⵔⵢⵏ ⴷⵉ ⵛⵔⴰ ⵏ ⵉⵅⵅⴰⵎⵏ ⴷ ⵉⵎⵣⴳⴰ (calmes) ⵓⴷⵔⵏ, ⴷⵉ ⵛⵔⴰ ⵏ ⵜⵓⴼⴼⵓⵜⵉⵏ ⵅⴼ ⵜⵎⴰ ⵏ ⵢⵉⵍⵉⵍ (mer), ⴷⴳ ⵢⵉⵍⵉⵍ ⵙ ⵉⵎⴰⵏ ⵏⵏⵙ, ⴷⴳ ⵉⵍⵉⵍⵏ, ⴷⴳ ⵉⴹⴰⵏ (nuits) ⵏ ⵓⵎⵓⴷⴷⵓ ⵉⵜⵜⵔⵊⵉⵊⵉⵏ ⵙⵏⵏⵊ ⵉⴳⴳⵯⵊⵏ ⵓ ⵟⵟⴰⵡⵏⵜ ⴰⴽⴷ ⵉⵜⵔⴰⵏ _ ⵓ ⵓⵔ ⵉⵜⵜⵓⴷⵓ (il ne suffit pas) ⴰⴷ ⵏⵣⵎⵔ ⴰⴷ ⵏⵙⵡⵉⵏⴳⵎ ⴷⵉ ⵇⵇⴰⵃ ⴰⵢⴰⴷ. ⵉⵇⵇⵏ ⴰⵖ ⴰⴷ ⵖⵔⵏⵖ ⵉⵍⵉⵏⵜ ⵜⵛⵜⵡⵉⵏ (souvenir) ⵏ ⵡⴰⵟⵟⴰⵚ ⵏ ⵉⴹⴰⵏ ⵏ ⵜⴰⵢⵔⵉ ⵉⵍⵍⴰⵏ ⵉⵛⵜ ⵓⵔ ⵜⵔⵡⵉⵙ ⴷⵉ ⵜⵏⵏⵉⴹⵏ, ⵏ ⵉⵖⵓⵢⵢⴰⵏ ⵏ ⵜⵎⵟⵟⵓⵜⵉⵏ ⵉ ⴷⵉ ⵉⵍⵍⴰ ⵎⵣⵔⵉ ⵏ ⵜⴰⵔⵡⴰ, ⵏ ⵜⵎⵥⵓⵕⵉⵏ ⵜⵉⵏⴼⵙⴰⵙ, ⵜⵓⵎⵍⵉⵍⵉⵏ, ⵜⵓⵟⵟⵉⵚⵉⵏ, ⵉⵜⵜⴳⵏⴼⴰⵏ. ⵢⵓⵛⵛⵍ ⴰⵖ ⴰⴷ ⵏⵉⵍⵉ ⵜⵓⵖⴰ ⵏⴱⴷⴷ ⵖⵔ ⵓⵣⵍⵍⵉⴼ ⵏ ⵢⵉⵏⵏⵉ ⵓⵎⵉ ⵉⵜⵜⴼⴼⵖ ⵉⵎⴰⵏ, ⵏⵇⵇⵉⵎ ⴰⴽⴷ ⵉⵎⵜⵜⵉⵏⵏ ⴷⴳ ⵉⵊⵊ ⵏ ⵓⵅⵅⴰⵎ ⴰⵙⵔⵊⵎ ⵏⵏⵙ ⵉⵔⵥⵎ, ⵉⵣⵡⵡⵉⵛⵏ (bruits) ⵜⵜⴰⴷⴼⵏ ⴷ ⵣⴳ ⵡⴰⵎⵓⵔ ⵖⵔ ⵡⵏⵏⵉⴹⵏ. ⵓ ⵓⵔ ⵉⵜⵜⵓⴷⵓ ⴰⴷ ⵖⵔⵏⵖ ⵉⵍⵉⵏⵜ ⵜⵛⵜⵓⵜⵉⵏ. ⵢⵓⵙⵙ ⴰⵖ ⴷ ⴰⴷ ⵏⵙⵙⵏ ⴰⴷ ⵜⵏⵜ ⵏⵜⵜⵓ ⵔⵅⵎⵉ ⵓⴳⴳⵓⵜⵏⵜ (sont nombreuses), ⵓ ⴰⴷ ⵖⵔⵏⵖ ⵢⵉⵍⵉ ⵓⵣⵎⴰⵔ (patience) ⴰⵎⵇⵇⵔⴰⵏ ⵃⵎⴰ ⴰⴷ ⵏⵔⴰⵊⴰ ⴰⴷ ⴷⵡⵔⵏⵜ.
ⴰⵛⴽⵓ ⵜⵉⵛⵜⵓⵜⵉⵏ ⵙ ⵉⵎⴰⵏ ⵏⵙⵏⵜ ⵓⵔ ⵍⵍⵉⵏⵜ ⵛⴰ ⴷ ⴰⵢⵏⵏⵉ, ⵃⵎⴰ ⴷⵡⵔⵏⵜ ⴷⴰⵢⵏⵖ ⴷ ⵉⴷⴰⵎⵎⵏ, ⴷ ⴰⵙⵡⴰⴹ (regard), ⴷ ⴰⵙⵉⵍⵍⴼ (geste), ⵔⵅⵎⵉⵏⵏⵉ ⵓⵔ ⵖⵓⵔⵙⵏⵜ ⵉⵇⵇⵉⵎ ⴱⵓ ⵢⵉⵙⵎ ⵓ ⵓⵔ ⵇⵇⵉⵎⵏⵜ ⵜⵜⵎⵙⴱⴹⴰⵏⵜ ⵅⴰⴼⵏⵖ, ⴰⵔ ⵍⵅⴷⵏⵏⵉ ⵉ ⵖⴰ ⴷ ⵉⵙⵓⵔ, ⴷⴳ ⵉⵛⵜ ⵏ ⵜⵙⵔⴰⴳⵜ (heure) ⵜⵓⴷⵔⵓⵙ ⴰⵟⵟⴰⵚ, ⴰⴷ ⵜⴽⴽⵔ ⵊⴰⵔⴰⵙⵏⵜ, ⵜⴰⵡⴰⵍⵜ ⵜⴰⵎⵣⵡⴰⵔⵓⵜ ⵏ ⵉⵣⵔⵉ.
[ⴷⴳ ⵓⵎⴳⴳⴰⵔⵓ, ⵙⵙⵓⵜⵓⵔⵖ ⵜⴰⴼⴰⵔⵜ ⴰⴷ ⵓⵔ ⵜⵖⵟⵟⵕ ⵉⴼⴰⴷⴷⵏ ⵉ ⵉⵎⴰⵔⵉⵔⵏ ⵏⵏⵖ ⵉⵎⵥⵥⵢⴰⵏⵏ ⵉ ⵖⴰ ⴷ ⵜ ⵉⵖⵔⵏ !]
ⵢⵓⵔⴰⵜ : Rainer Maria RILKE (1875-1926)
ⴰⵙⵓⵖⵍ ⵏ ⵎⵉⵎⵓⵏ ⴰⵎⵙⴱⵔⵉⴷ, ⵏⵓⵡⴰⵏⴱⵉⵔ 2008
————————
(1) cahiers
(2) extraits
