جريدة العالم الأمازيغي صوت الإنسان الحر
ⵜⵙⵙⵏⵜⵉ ⵜⵔⴰⴱⴱⵓⵜ ⵏ “ⵍⴱⴰⵏⴽ ⵏ ⴰⴼⵔⵉⵇⵢⴰ” (ⵍⵍⵉ ⴰⴷⵍⵍⵉ ⵉⵜⵜⵓⵙⵙⴰⵏⵏ ⵙ (ⵍⴱⴰⵏⴽ ⴰⵎⵖⵔⵉⴱⵉ ⵉ ⵓⵙⵖⵏⵣⵉ ⵏ ⴱⵕⵕⴰ), ⵜⵉⵔⵔⴰ ⵏ ⵓⴷⵎ ⵏ ⵜⵎⵔⵙⴰⵍ ⴷ ⵡⴰⵢⵢⴰⵡⵏ ⵍⵍⵉ ⴰⵙ ⴹⴼⵕⵏⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵓⵙⴽⴽⵉⵍ ⵏ “ⵜⴼⵉⵏⴰⵖ” ⵜⴰⵎⴰ ⵏ ⵜⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ.
ⵖ ⵜⵖⵔⵎⵜ ⵏ ⵕⵕⴱⴰⵟ ⴰⵖ ⴷ ⵉⵜⵜⵢⵓⵔⴰ ⵓⴷⵎ ⵏ ⵎⵏⵏⴰⵡⵜ ⵜⴰⵢⵢⴰⵡⵉⵏ ⴷ ⵜⵎⵔⵙⴰⵍ ⵏ ⵜⵔⴰⴱⴱⵓⵜ ⵜⴰⴱⴰⵏⴽⵉⵜ ⵉⴳⴰⵏ ⵜⵉⵏ ⴱⴰⴱ ⵏ ⵜⵡⵓⵔⵉ ⵍⵍⵉ ⵉⵜⵜⵓⵙⵙⴰⵏⵏ ⵄⵓⵜⵎⴰⵏ ⴱⵏ ⵊⵍⵍⵓⵏ. ⵜⴰⵙⵏⵜⴰⵢⵜ ⴰⴷ ⵔⴰⴷ ⵢⵉⵍⵉ ⵓⵙⵎⴰⵜⴰ ⵏⵏⵙ ⵖ ⴽⵓ ⵜⴰⵢⵢⴰⵡⵉⵏ ⴹⴼⵕⵏⵉⵏ ⵜⴰⵔⴰⴱⴱⵓⵜ ⵜⴰⴱⴰⵏⴽⵉⵜ.
ⵜⴳⴰ ⵜⵔⴰⴱⴱⵓⵜ ⵜⴰⴱⴰⵏⴽⵉⵜ “ⵓⴼ ⴰⴼⵔⵉⵇⵢⴰ” ⵜⴰⵎⵣⵡⴰⵔⵓⵜ ⵉⵙⴽⴰⵔⵏ ⴰⵏⵇⵇⵉⵙ ⵏ ⴰⵙⴳⴳⵯⵙⴰⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙⴳ 2011, ⵖⵎⴽ ⴰⵏⵏ ⴷ ⵓⵙⵙⵥⵕⴼ ⵏ ⵓⵙⵎⵖⵔ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⴷ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵓⵙⵏⴼⴰⵔ ⵏ “ⵎⴷⵔⴰⵙⴰ.ⴽⵓⵎ” ⵉⵣⵡⴰⵔⵏ ⵉⵙ ⴰ ⵜⵙⴰⵇⵔⴰ ⵜⴰⵎⴰⵣⵉⵖⵜ, ⵖⵎⴽ ⴰⵏⵏ ⴷ ⵓⵙⵏⴰⵍ ⵏ ⵜⵙⵏⵜⴰⵢⵉⵏ ⵜⵉⵎⴰⵣⵉⵖⵉⵏ ⴷ ⵓⵙⵎⴰⵍ ⴰⵎⴰⵣⵉⵖ.
ⵜⵙⵏⴼⵍ ⵜⵔⴰⴱⴱⵓⵜ ⴰⴷ ⵜⴰⴱⴰⵏⴽⵉⵜ ⵉⵙⵎ ⵏⵏⵙ ⵙ “ⵍⴱⴰⵏⴽ ⵏ ⵓⴼ ⴰⴼⵔⵉⵇⵢⴰ” ⵙ ⵓⵎⵙⴰⵙⴰ ⴷ ⵜⵙⵜⵔⴰⵜⵉⵊⵉⵜ ⵜⴰⴼⵔⵉⵇⵉⵜ ⵖ ⵉⴽⵛⵎ ⵍⴱⴰⵏⴽ ⵙⴳ ⵉⵙⴳⴳⵯⴰⵙⵏ ⵣⵔⵉⵏⵉⵏ, ⵖ ⴷⴰⵔⵙ ⵢⴰⵜ ⵜⵉⵍⵉⵜ ⵉⴼⴰⵡⵏ ⵖ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴳ ⵉⵍⵍⴰ.
