جريدة العالم الأمازيغي صوت الإنسان الحر
Idi d umara amɣribi yan udlis igan s uzwl «tsawayt n mririda: tibratin i tɛrrimt tamɣribit» g usati n usnfaṛ n tdinamit n tirra tisklanin i ungiddi ngr tiwsay lli tsnmala tmagrawt tamaynut ayyaw n ayt mllul s ussẓṛf n tamunt tawṛubbit, adlis ad yuma kigan n tbratin uran imaratn d tmaratin d imsnfluln d tmsnflulin imɣrabit i tɛrrimt tamɣribit illan ɣ unti n tudrt nns. Tibratin ittyaran s tutlayt tamaziɣt d tɛrabt d tfṛansist d tnglizt d tṣbnyul, ar tettalsnt xf isiṛam d itirmitin d tɣarasin n mnnawt tasutin, ɣ mnnaw igran n usnflul d mnnaw igran idlsann, wid dranin g twargit ad ur darsn turda mas iɣẓan wawal iddrn lli d ifl maṛyu faṛgas yusa lliɣ inna «awd ḥaḥ ur izmr ad aɣ yari sg uẓiẓn n inawn qqnnin d tmmara n tidt amr taskla». mk lli tga twuri ad yan ukttay n ussmɣr i yiman n tmdyazt n laTlaṣ tigllint n mririda n ayt ɛtiq nɣ d mɣiɣida lli s as iyaqra uslmad d umrzu n umzruy mass musṭafa qadiri. Isti umara ad irzzf tawuri ad i yiman n mririda acku tga yan umdya n tmɣart tamaziɣt lli izmrn ad d tsmnid tannayin iẓiln xf ufulki n iɣbula d tbɣrt n tussna n tmazirt, mk lli tg ayan ɣ wudmawn lli igzin g tmktit s tayri nns idusn i tudrt d tumrt d unaruz d itaggn infgann ẓilnin.
adlis ad, iwsn gis mnnaw imaratn d tmaratin ittaran s mnnawt tutlayin, zun d: muḥmmad ccrgi, ɛbdlḥamid cawqi, ilham zanid, suɛad mayṛuc, jamila iṛiẓi, xadija lgjḍa, zahra dikr, lḥabib lwaɛi, xulud muxtari, ɛbdṛṛaḥim lxṣṣaṛ, Taha ɛadnan, mbark ḥusni, hicam masturi, farid ẓalḥuḍ, ɛbdllah ṣbṛi, muḥmmad usus, bṛahim lɛsri, yusf gguzaɣar, lḥasan umulud, dris xali, zin lɛabidin lkntawi, lḥasan laɛgir, racid lḥaḥi, rinas buḥmdi, ḥasan uɛtman, d wiyyaḍ…
tawuri ad «tasawayt n mririda: tibratin i tɛrrimt tamɣrabit» tuma ngr tsniwin nns iḍṛisn d tbratin nna immalan tamnnawt tsnilst n lmɣrib, mk lli tmmudda s dar tidar ittwattun d imaḍaln imazdarn, tsmun g uzwag nns s imaḍaln ad ngr wallas d unaruz.
tibratin immalan s yat tɣarast iẓiln tiwargiwin n tasutin nna innurzn tagrawl n tidt fad ad nlkm angiddi n tidt ngr tiwsay.
