جريدة العالم الأمازيغي صوت الإنسان الحر
آم تفويت ”مثل الشمس” قصيدة أمازيغية من قصائد الشاعرة الليبية ” Tamazegt anlibya”
Ssusm
ssusm, ssusm.. mi ysggum imul
fllas azul
tayri sg ul
d iwdan mmaln: a yelli ssusm
ssusm, ssusm
g matta yllha? mmaln: xsn ulawn mant sissn ylla
d tettun mant af tiṭṭawin yflla
d wawal n iwdan ɣri …
d ad rrɣ fllasn: mnit
mnit
sissn nẓra ndji t
d ntta g tiṭṭawin nufi t
amm tfuyt
amm tfuyt s tfyya nns g ussan inu tffɣ
d memmis n tmura ncc xsɣ
ixsay inu ncc!! ixsay inu ncc, d ixsay nxs ak nuri
mi ammak ixsay n tisisawin n tayri
d mi d urar s wawal g aṭu ittali
nxs ixsay nnɣ, ill tck awi
d sg dk tawalt ill baba irni
mi d awal d awal d urar
nxs islan nnɣ s uslilu ytcar
d lhnni yzṭf g uṭar
d taddart nnɣ s arẓun d a nar
d tamɣra guda n taṭṣa
g tmddurt talwit nxsa
timlilit sg wass a all azkka
s ufus n Tamazegt Anlibya
