أخبار عاجلة

ⴰⴷⵍⵉⵙ:”ⴰⵔⴳⴰⵣ ⵏ ⵜⵏⵣⵔⵓⴼⵜ: ⴰⵎⵓⴷⴷⵓ ⵖⵣⵣⵉⴼⵏ ⵉ ⵓⵡⴰⵏⴽ ⵏ ⵜⵡⴰⵔⴳ” ⵏ ⵓⵎⴰⵔⴰ ⴰⴽⵍⵉ ⵛⴽⴰ

ⵉⵙⵙⴼⵓⵖ ⴷ ⵓⵎⵖⵏⴰⵙ ⴷ ⵓⵎⴰⵔⴰ ⴰⵜⵡⴰⵔⴳⵉ ⴰⴽⵍⵉ ⵛⴽⴰ ⵢⴰⵏ ⵓⴷⵍⵉⵙ ⴰⵎⴰⵢⵏⵓ, ⵉⵍⴰ ⴰⵣⵡⵍ: ⴰⵔⴳⴰⵣ ⵏ ⵜⵏⵣⵔⵓⴼⵜ: ⴰⵎⵓⴷⴷⵓ ⵖⵣⵣⵉⴼⵏ ⵉ ⵓⵡⴰⵏⴽ ⵏ ⵜⵡⴰⵔⴳ” ⵙ ⵜⵓⵜⵍⴰⵢⵜ ⵜⵉⵏⴳⵍⵉⵣⵜ: “Man of the Sahara: A Long Walk to the Tuareg statehood ».

ⵢⵉⵡⵉ ⴷ ⵓⴷⵍⴰⵙ ⴰⴷ ⵉⵏⵖⵎⵉⵙⵏ ⴼ ⵜⵎⴰⴳⵉⵜ ⵜⴰⵏⴰⵎⵓⵔⵜ ⴷ ⵉⵡⵜⵜⴰ ⵜⵜⵓⵙⴽⴰⵔⵏⵉⵏ ⴷ ⵉⵎⵏⴰⴷⵏ ⵏ ⵜⵎⵙⴰⵔⵜ ⵜⴰⵎⵣⵔⴰⵢⵜ ⵏ ⵜⵡⴰⵔⴳ ⴳ ⵜⵏⵣⵔⵓⴼⵜ ⵜⴰⵅⴰⵜⴰⵔⵜ ⴷ ⴰⵢⵍⵍⵉ ⴷ ⵢⵉⵡⵉ ⵓⴱⵟⵟⵓ ⵏ ⵓⵙⴷⴷⵓⵔⵔⵉ ⵖ ⵓⴳⵔⴰⵡ ⵏ ⴱⵉⵕⵍⵉⵏ ⴷ ⴱⴰⵔⵉⵣ ⵍⵍⵉⵖ ⵉⵜⵜⵓⴱⴹⴰ ⵢⴰⵏ ⵓⵎⴰⴷⴰⵏ ⴰⵇⴱⵓⵔ ⴼ ⵉⵡⴰⵏⴽⵏ ⵉⵎⴰⵢⵏⵓⵜⵏ ⴱⵍⴰ ⵜⵜⵓⵙⵙⴰⵏ ⵜⴰⵏⵏⴰⵢⵜ ⵏⵏⵙ, ⵢⵉⵍⵉ ⵓⵙⵉⴳⴳⵓⴳ ⵏⵏⵙ ⴷ ⵜⵓⴽⴽⵕⴹⴰ ⵏ ⵉⵣⵔⴼⴰⵏ ⵏⵏⵙ.

ⵉⴱⴷⴷ ⵓⴷⵍⵉⵙ ⴼ ⵓⵍⵖⵓ ⵏ ⵓⵡⴰⵏⴽ ⵏ ⴰⵥⴰⵡⴰⴹ ⵖ 2012 ⴷ ⵜⵏⴰⵥⴰⵕⵉⵏ ⵏ ⵓⴳⵯⵏⵙ ⴷ ⵜⵉⵏ ⴱⵕⵕⴰ ⵎⵎⴰⵖⵏⵉⵏ ⴷ ⵓⵍⵖⵓ ⴰⴷ ⴷ ⵜⵎⵙⴰⵔⵜ ⵏ ⵓⵙⵉⵜⵜⵉ ⵏ ⵜⵡⴰⵔⴳ ⴳ ⵍⵉⴱⵢⴰ ⴷⴰⵜ ⴷ ⴷⴼⴼⵉⵔ ⵏ ⵜⴳⵔⴰⵡⵍⴰ.

ⵢⵓⵎⴰ ⵓⴷⵍⵉⵙ ⴰⴷ ⴰⵎⴰⵢⵏⵓ 120 ⵏ ⵜⴼⵔⵜ ⴼ ⵉⵙⵓⵔⵙⵏ ⵏ ⵉⵜⵡⴰⵔⴳⵉⵢⵏ ⵉⵣⵔⴼⴰⵏⵏ ⴷ ⵉⴷⵍⵙⴰⵏⵏ ⴳ ⴷⵣⴰⵢⵔ ⴷ ⵏⵏⵉⵊⵉⵔ ⴷ ⵜⵎⵉⵣⴰⵔ ⵍⵍⵉ ⴰⵙⵏ ⵙⵙⵓⵜⵍⵏⵉⵏ.

ⴰⵔ ⵉⵏⵣⵣⴰ ⵓⴷⵍⵉⵙ ⴰⴷ ⴳ ⵓⵙⵉⵜ ⵏ ⴰⵎⴰⵥⵓⵏ, ⵢⵉⵏⵉ ⵓⵎⴰⵔⴰ ⵏⵏⵙ ⵎⴰⵙ ⵔⴰⴷ ⵢⴰⵡⵙ ⵙ ⵚⴰⵃⴰ ⵏⵏⵙ ⴳ ⵉⵙⵏⴼⴰⵔⵏ ⵏ ⵜⴳⵎⵉ ⴷ ⵓⵚⴽⵓ ⵏ ⵜⵉⵏⵎⴰⵍ ⴷ ⵉⵙⵏⴼⴰⵔⵏ ⵏ ⵓⴼⵔⴰ ⵖ ⵜⵙⴳⴰ ⵏ ⵜⵉⵏⵉⵔⵉ (ⵜⴰⵏⵣⵔⵓⴼⵜ ⵜⴰⵅⴰⵜⴰⵔⵜ).

شاهد أيضاً

وزير الثقافة:”أكادير أوفلا” تراث وطني يساهم في إغناء المنظومة الثقافية وتنشيط القطاع السياحي بأكادير

أكد وزير الثقافة والشباب والرياضة، عثمان الفردوس، أن قصبة “أكادير أوفلا” تراث وطني يساهم في ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *