أخبار عاجلة

ⵉⴱⴰⴷⵍ ⵣⵣⵎⴰⵏ

Mammas Eljaouarih

ⵉⴱⴰⴷⵍ ⵣⵣⵎⴰⵏ
ⵉⴱⴰⴷⵍ ⵣⵣⵎⴰⵏ ⵉⴱⴰⴷⵍ ⴷⵉⵙ ⵓⴼⴳⴰⵏ
ⵜⴱⴰⴷⵍ ⵓⵍⴰ ⵜⴰⵢⵔⵉ
ⵓⵔ ⵙⵓⵍ ⵉⵃⵏⵏⴰ ⵡⵓⵍ
ⵇⵇⵓⵕⵏⵜ ⵡⴰⵍⵍⵏ ⵣⵓⵏ ⵉⵜⵎⴰⵡⵏ
ⵉⴳⴳⴰⵎⵎⵉ ⵉⵎⵉ ⴰⴷ ⵉⵙⴰⵡⴰⵍ
ⵉⵎⵣⴳⴰⵏ ⵓⵔ ⴰⵔ ⵙⵓⵍ ⵙⵙⴼⵍⵉⴷⵏ
ⴰⵍⵍⵏ ⵓⵔ ⴰⵔ ⵙⵎⵓⵇⵇⵓⵍⵏⵜ
ⵉⴹⴰⵕⵕⵏ ⵓⵔ ⴰⵔ ⵣⵣⵉⴳⵉⵣⵏ
ⵉⴼⴰⵙⵙⵏ ⵓⵔ ⴰⵔ ⵜⵜⵎⵓⵙⵙⵓⵏ
ⵔⴰⴷ ⵉⵢⵉ ⵜⵉⵏⵉⵎ ⵀⴰⵏⵏ ⵍⵎⵓⵜ ⴰⵢⴰⵏⵏ
ⵥⵓⵥⴹⵖ,ⵎⴰⴷ ⵉⵙ ⴽⴰ ⵜⴳⴰ ⵍⵎⵓⵜ ⴰⴷ ⵉⵢⵉ ⵜⴰⵡⵉ
ⴰⴷ ⴽⴰ ⵜⵜⵓⵖ ⵎⴰⴷ ⴼⵍⵍⴰ ⵉⵣⵔⵉⵏ
ⵎⴰⵜⴰ ⴷⴷ ⵉⵙ ⴽⴰ ⵉⵍⵍⴰ ⵕⵕⵓⵃ ⵏⴳⵔ ⵉⴼⴰⵙⵙⵏ ⵏⵏⵖ
ⵉⴽⵓⵜ ⵏⴳⴰ ⵜⵜⵎⴰⵎ ⵉ ⵓⵙⵙⴰⵏ ⵏⵏⵖ
ⴽⵓⴷⵏⵏⴰ ⴰⵖ ⵜⵖⵍⵉ ⵜⵓⴷⵔⵜ ⵅⴼ ⵓⴳⴰⵢⵢⵓ
ⴰⴼⴳⴰⵏ ⵢⵉⵡⵉ ⵜⵜ ⵖ ⵍⵀⵎⵎ ⵏⵏⵙ
ⵓⵔ ⵜ ⵙⵓⵍ ⵀⵎⵎⴰⵏ ⴰⵢⵜ ⴷⴰⵔⵙ ⵓⵍⴰ ⵜⴰⵡⵊⴰ ⵏⵏⵙ
ⵓⵔ ⵜ ⵉⵀⵎⵎⴰ ⴰⴱⵍⴰ ⵍⵎⴰⵍ ⴷ ⵟⵟⵎⵄ
ⵎⴰⵛⵛ ⵔⴰⴷ ⴷ ⵙⵓⵍ ⵢⴰⵛⴽ ⵢⴰⵏ ⵡⴰⵙⵙ ⵔⴰⴷ ⵉⵇⵇⵉⴹⵉ
ⵍⵎⴰⵍ ⴼⵍⵏ ⵜ ⵉⵎⴷⴷⵓⴽⴽⴰⵍ
ⵉⵖⴰⵎⴰ ⴷ ⵡⴰⵃⴷⵓⵜ
ⵔⴰⴷ ⵢⵉⵔⵉ ⴰⴷ ⴽⴰ ⵉⵥⵕ ⴰⵢⵜ ⴷⴰⵔⵙ ⴷ ⵜⴰⵡⵊⴰ ⵏⵏⵙ
ⵔⴰⴷ ⵢⵉⵔⵉ ⴰⴷ ⴽⴰ ⵙⵉⵙⵏ ⵉⵙⴰⵡⵍ
ⵎⴰⵛⵛ ⵓⵔ ⴰⵙ ⵢⵓⴼⵉ
ⵜⵎⴰⵟⵍⵜ ⵏⵏ ⴰⵢⴰⴼⴳⴰⵏ
ⵉⵙⴽⵔ ⵜⵜ ⵙⵓⵍ ⴳⵉⴽ ⵣⵣⵎⴰⵏ
ⵣⵣⵎⴰⵏ ⴰⵎⵖⴷⴰⵔ
ⵣⵣⵎⴰⵏ ⵉⵜⵜⴱⴰⴷⴰⵍⵏ

——————————-

Ibadll zman

Ibadl zman ibadl diss ufggan
Tbadt ula tayri
orsor ihna ull
Qurnt walln zun itmawn
Igami imi aysawal,
Imzgan ura sur sfflidn
Alln ora smuqqlnt
Idarrn ura ziggizn
Ifassn ura tmussun
Rady tinim han lmut ayan
Zozdgh, madiss ka tga lmut, ady tawi aka tugh mfla izrrin
Madis ka ila ruh ngr ifass ngh
Ikuut nga tmam ussan ngh
Kodna yagh tghli tudert gh ogayo
Affgan yiwit gh lhm nss
Urt sor hman aydarss w lla tawja nss
Ortihma abla lmall d tm3
Mac rad sur yack yn wass rayqidi lmall fallnt imdukkal
Ighmad wahdut
Rayri aka izr aydarss d tawja nss
Rayri aka sissn isawl
Mac orass ufa
Tmatltn ayfgan
Isskrt sor gik zman
Zman amghdar
Zman itbadaln

شاهد أيضاً

ⵉⵙⵙⵓⴼⵖ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ ⴰⵏⵇⵇⵉⵙ ⵏⵏⵙ ⴰⵙⴳⵯⵙⴰⵏ ⵙ ⵜⵎⴰⵣⵉⵖⵜ

ⵉⵙⵙⵓⴼⵖ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ ⴰⵏⵇⵇⵉⵙ ⵏⵏⵙ ⴰⵙⴳⵯⵙⴰⵏⵏ 2019 ⵙ ⴽⵕⴰⴹⵜ ⵜⵓⵜⵍⴰⵢⵉⵏ: ⵜⴰⵄⵕⴰⴱⵜ, ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *